«التىن قالام» ادەبي بايقاۋى جاڭا ناۋقانىن جاريالادى
استانا. KAZINFORM - بيىل قۇرىلعانىنا 15 جىل تولىپ وتىرعان «التىن قالام» بايقاۋى وسى داتاعا وراي ءۇش جىلدىق ۇزىلىستەن كەيىن جاڭا ماۋسىمىن جاريالادى.
بايقاۋعا قازاق تىلىندە جازىلعان جۇمىستار قىركۇيەكتىڭ 5 نەن باستاپ، قاراشانىڭ 20 نا دەيىن قابىلدانادى. وقىرماندار قاراشا ايىنىڭ 20 نا دەيىن داۋىس بەرە الادى.
ادەبي تۋىندىلاردى ۇيىمداستىرۋ كوميتەتىنىڭ altynqalam@yandex.kz ەلەكتروندىق پوشتاسىنا جولداۋعا بولادى.
كونكۋرس جايلى تولىق مالىمەتتى جۇلدەنىڭ www.aqalam.kz رەسمي سايتىنان بىلە الاسىزدار. سايىسقا تۇسكەن بارلىق شىعارما اتالعان سايتتا ورنالاستىرىلادى. بايقاۋ بارىسىندا مىناداي اتالىمدار بويىنشا داۋىس بەرىلەدى:
1. جىلدىڭ ۇزدىك بالالار شىعارماسى
2. جىلدىڭ ۇزدىك پوەزياسى
3. جىلدىڭ ۇزدىك پروزاسى
4. جىلدىڭ ۇزدىك ساتيراسى
5. جىلدىڭ ۇزدىك فانتاستيكا جانە دەتەكتيۆ شىعارماسى
6. جىلدىڭ ۇزدىك كينوسەناريى جانە دراماتۋرگياسى
العاشقى كەزەڭدە شىعارمالار www.aqalam.kz ۆەب-سايتىندا ىرىكتەلەدى. وقىرماندار وزىنە ۇناعان جۇمىسقا داۋىس بەرە الادى.
www.aqalam.kz سايتىنداعى ونلايىن-داۋىس بەرۋ 3 اي بويى وتەدى. داۋىس بەرۋ اياقتالعان سوڭ ءار اتالىم بويىنشا 6 شىعارما تاڭداپ الىنادى. سايىستىڭ ەكىنشى كەزەڭىنە وقىرماندار تاراپىنان ەڭ كوپ ۇپاي جيناعان شىعارمالار جانە قازىلار نازارىنا ىلىنگەن تۋىندىلار وتەدى. اقتىق ىرىكتەۋ ساتىسىندا قازىلار ءاربىر نوميناتسيا بويىنشا جەڭىمپازداردى جاسىرىن داۋىس بەرۋ ارقىلى انىقتايدى. ايتا كەتەرلىگى سايىس بارىسىندا شىعارما اۆتورلارى كورسەتىلمەيدى.
ايتا كەتەتىن جايت، قازىلار قۇرامىندا قالامگەرلەر، ادەبيەتشىلەرمەن قاتار وزگە سالانىڭ كاسىبي ماماندارى دا بار. كوپتىڭ تالقىسىنا ۇسىنىلعان ادەبي شىعارمالاردىڭ اۆتورى كورسەتىلمەيدى. مۇنداي تالاپتار جۇلدەنىڭ ءادىل وتۋىنە كەپىل بولا الادى.
«التىن قالام» بايقاۋ جۇمىستارىنا جازۋشىلار ەمەس، وقىرماندار باعا بەرەتىن قازاقستانداعى ءبىرىنشى ادەبي جۇلدە.
