التىن ورداعا ارنالعان جاڭا كوللەكتسيالىق مونەتا شىعادى

مونەتانىڭ ساتۋعا قاشان شىعارىلاتىنى تۋرالى اقپارات ق ۇ ب رەسمي سايتىندا قوسىمشا حابارلانادى.

التىن وردا - XIII- XV عاسىرلاردا ەۋرازيانىڭ ساياسي، ەكونوميكالىق جانە مادەني دامۋىنا ەلەۋلى ىقپال ەتكەن ايماقتاعى ەڭ ءىرى مەملەكەتتەردىڭ ءبىرى. ول شىعىس پەن باتىس اراسىنداعى تۇراقتى ساۋدا بايلانىسىن قامتاماسىز ەتىپ، ۇلى جىبەك جولى بويىنداعى حالىقارالىق الىس-بەرىستىڭ جاندانۋىنا، سونداي-اق كوپۇلتتى ءارى كوپكونفەسسيالى كەڭىستىكتىڭ قالىپتاسۋىنا نەگىز بولدى.

التىن وردانىڭ تاريحي مۇراسى ۇلى دالانىڭ مىڭ جىلدىق وركەنيەت ساباقتاستىعىن پاش ەتە وتىرىپ، قازىرگى قازاقستان اۋماعىن قوسا العاندا، ەۋرازيا مەملەكەتتىلىگى مەن حالىقتارىنىڭ مادەني بىرەگەيلىگىن ايقىنداۋدا ماڭىزدى ورىن الادى. بۇل ءداۋىر قالا مادەنيەتىنىڭ، قولونەردىڭ، اقشا جۇيەسى مەن ديپلوماتيالىق قاتىناستاردىڭ قارقىندى دامۋىمەن سيپاتتالادى. كوللەكتسيالىق مونەتانى شىعارا وتىرىپ سول ءداۋىردى زەردەلەۋ تاريحي جادىنى ساقتاۋعا، مادەني مۇرانى ناسيحاتتاۋعا جانە مەملەكەتتىلىك جولىنداعى ماڭىزدى كەزەڭدەردى دارىپتەۋگە باعىتتالعان.

التىن جالاتىلعان مونەتا 925 سىنامالى كۇمىستەن تۇرادى، ماسساسى 62,2 گرام، ديامەترى 50 م م، دايىنداۋ ساپاسى - «proof»، نومينالى 2000 تەڭگەلىك، تارالىمى - 1000 (ءبىر مىڭ) دانا.

مونەتا قازاقستان رەسپۋبليكاسىنىڭ بۇكىل اۋماعىندا وزدەرىنىڭ بەلگىلەنگەن قۇنىنا ساي تولەمدەردىڭ بارلىق ءتۇرى بويىنشا قابىلدانۋعا، سونداي-اق ەلدىڭ بارلىق بانكىندە بانكتىك شوتتارعا ەسەپكە الىنۋعا، اۋدارۋعا، ۇساقتالۋعا جانە ايىرباستالۋعا جاتادى.

مونەتا قازاقستان تەڭگە سارايىندا دايىندالدى.

ايتا كەتەلىك FIFA WORLD CUP 2026 كوللەكتسيالىق مونەتالارى اينالىسقا شىعاتىنى تۋرالى جازعان ەدىك.