التايلىق باقتاشىلار قويىن قازاقتىڭ ەجەلگى كوشى-قون داستۇرىمەن باعادى - شەتەلدەگى قازاق باسپا ءسوزى
Kazinform ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
سامارقاندتا جەتى توننا پالاۋ دايىندالادى – ءوز ا
وزبەك ۇلتتىق تاعامدارىن كەڭىنەن ناسيحاتتاۋ جانە گاسترونوميالىق تۋريزمدى دامىتۋ ماقساتىندا بيىلعى جىلدىڭ 1-3-تامىزى ارالىعىندا سامارقاند قالاسىندا «سامارقاند پالاۋى» حالىقارالىق گاسترونوميالىق فەستيۆالى وتەدى، دەپ جازادى «ءوز ا».
حابارلامادا ايتىلۋىنشا، بۇل شارانى 14 ەلدەن كەلگەن 50 دەن استام جۋرناليست پەن بلوگەر تىكەلەي باقىلاپ، الەۋمەتتىك جەلىلەردە كەڭىنەن تاراتىپ كەلەدى.
فەستيۆال باعدارلاماسىنا سايكەس، بۇگىن «پالاۋ - وزبەكستان حالىقتارىنىڭ ۇلتتىق اسحاناسىنىڭ مادەني جانە گاسترونوميالىق بەينەسى» تاقىرىبىندا رەسپۋبليكالىق عىلىمي- تاجىريبەلىك كونفەرەنتسيا ۇيىمداستىرىلدى.
سونداي-اق وسى اپتادا «ءوز ا»-دا «ا ق ش-تا 30 جاستاعى ءسابي دۇنيەگە كەلدى» دەگەن تاقىرىپتاعى اقپارات جارىق كوردى.
وزبەكستاندىق باسىلىمنىڭ مالىمەتىنشە، ا ق ش-تا 30 جىلدان استام ۋاقىت بويى ساقتالعان ەمبريوننان بالا ومىرگە كەلگەن.
MIT Technology Review جۋرنالىنىڭ حابارلاۋىنشا، 26-شىلدە كۇنى دۇنيەگە كەلگەن ۇل بالا - تاددەۋس دەنيەل پيرس «ەڭ قارت ءسابي» رەكوردىن جاڭارتتى.
دەرەككە سايكەس، بالانىڭ اتا- اناسى 1994 -جىلى ە ك و (ەكستراكورپورالدى ۇرىقتاندىرۋ) جاساعان ايەلدىڭ ەمبريونىن «اسىراپ العان».
بارلىعى ءتورت ەمبريون جاسالىپ، ولاردىڭ ءبىرى ايەلگە ورنالاستىرىلعان، قالعان ۇشەۋى كريوكونسەرۆاتسيالانىپ، ساقتالىپ قالعان.
قىتايداعى ەڭ ۇزىن مەترو اينالماسى چاڭجياڭ وزەنى تۇنەلىن كەسىپ ءوتتى - «حالىق گازەتى»
16-شىلدەدە ۋحان تەمىرجول ترانزيتتىك 12- جەلىسى يانتسزى(چاڭجياڭ – اۆت.) وزەنىنىڭ تۋننەلى ءساتتى اياقتالدى. جالپى ۇزىندىعى 59,9 شاقىرىمدى قۇرايتىن ۋحان تەمىرجول ترانزيتىنىڭ 12- جەلىسى قىتايداعى ەڭ ۇزىن مەترو جەلىسى.
بۇل تۋرالى وسى اپتادا قىتايدىڭ «حالىق گازەتى» باسىلىمى حابارلادى.
اتالعان ب ا ق-تىڭ مالىمەتىنشە، ولاردىڭ ىشىندە يانتسزى وزەنى تۋننەلىنىڭ جالپى ۇزىندىعى 4011 مەتر، ال 2160 مەترلىك يانتسزى وزەنى استىنان وتەتىن بولەگىنىڭ ماكسيمالدى كومىلگەن تەرەڭدىگى 45,5 مەتر. ۋحان تەمىرجول ترانزيتتىك 12 جەلىسى سالىنىپ، اشىلعاننان كەيىن ول ۋحاننىڭ 7 ورتالىق قالا ايماقتارىن بايلانىستىرادى.
سونىمەن قاتار وسى اپتادا «حالىق گازەتى» باسىلىمىندا «قىتايداعى اسا تەرەڭ مۇناي-گاز ايماعى تاۋلىگىنە 10000 توننادان استام مۇناي مەن گاز ءوندىردى» دەگەن اقپارات جارىق كوردى.
قىتاي ۇلتتىق مۇناي- گاز كورپوراتسياسىنان العان اقپاراتىنا سايكەس، تاكلاماكان ءشولىنىڭ قاق ورتاسىندا ورنالاسقان قىتايداعى ەڭ ۇلكەن تەرەڭ مۇناي-گاز ايماعى بولىپ تابىلاتىن فۋمان مۇناي- گاز ايماعى تاۋلىگىنە 10000 توننادان استام مۇناي مەن گاز وندىرگەن. بۇل قىتايدىڭ 8 مىڭ مەترلىك ۋلترا تەرەڭدىكتەگى مۇناي ءوندىرۋ جانە ۋلترا تەرەڭدىكتەگى گاز ءوندىرۋدىڭ جاڭا كەزەڭىنە ەنگەنىن كورسەتەدى، دەپ دەپ جازادى قىتايلىق ب ا ق.
يراننىڭ قىزىل جارتى ايقوعامىنىڭ باسشىسى د د س ۇ-نان گازا سەكتورىنا ءدارى جىبەرۋدى سۇرادى- ParsToday
يراننىڭ قىزىل جارتى اي قوعامىنىڭ باسشىسى دۇنيەجۇزىلىك دەنساۋلىق ساقتاۋ ۇيىمىنىڭ باسشىسىنا حات جولداپ، گازا سەكتورىنا ءدارى- دارمەك پەن گۋمانيتارلىق كومەك جىبەرۋدى جەڭىلدەتۋدى سۇرادى، دەپ جازدى ParsToday اقپارات اگەنتتىگى.
يراندىق باسىلىمنىڭ دەرەگىنشە، ي ي ر-نىڭ قىزىل جارتى اي قوعامىنىڭ باسشىسى پيرحۇسەين كوليۆاند جەكسەنبى كۇنى دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادحانوم گەبرەيۋسكە حات جولداعان.
«الەم گازا سەكتورىنداعى ەڭ اپاتتى گۋمانيتارلىق داعدارىستاردىڭ بىرىمەن بەتپە- بەت كەلىپ وتىرعاندىقتان، حالىقارالىق ينستيتۋتتاردىڭ مورالدىق جانە گۋمانيتارلىق جاۋاپكەرشىلىگى ولاردان قورعانسىز بەيبىت تۇرعىنداردىڭ، اسىرەسە بالالاردىڭ، جۇكتى ايەلدەردىڭ جانە ناۋقاستاردىڭ ءومىرىن قۇتقارۋ ءۇشىن شۇعىل شارالار قابىلداۋدى تالاپ ەتەدى»، - دەپ جازدى پ. كوليۆاند.
باقتاشىلار التاي قويىن كوشى-قون داستۇرىمەن باعادى - Harajorga
شىلدەنىڭ سوڭى، كوكتوعاي اۋدانىنىڭ اقسالا جايلاۋى تاڭنىڭ اتۋىمەن تىرشىلىك تىنىسىنا ەنگەن كەزدە، ورىسكە بەتتەگەن التاي قويى جايلاۋ سونىسىنا باس قويىپ، اسقار تاۋ، جاسىل ورمانمەن جاراسىم تابۋى كوركەم سۋرەتتەي كورىنىس قالىپتاستىردى، دەپ جازادى قىتايلىق Harajorga باسىلىمى.
اتالعان ب ا ق-تىڭ مالىمەتىنشە، التاي قويىن مالشىلار جىل بويى ءورىس جاڭالاپ، ءداستۇرلى كوشىپ، قونىپ ءجۇرىپ باعادى. التايدىڭ قاقاعان ايازىندا مالشىلار قار از تۇسەتىن جىلى جاققا كەتىپ، قىس وتارىندا باقسا، كوكتەم كىرىپ، كوك شىعا سولتۇستىكتى بەتكە الىپ كوشە باستايدى. ال جازدا ءشوپتىڭ شۇيگىنىن، سۋدىڭ تۇنىعىن قۋالاي التاي تاۋىن جايلايدى. كۇز سالقىنى بىلىنە بەرە وزەن اڭعارىنداعى كۇزەۋلىككە قايتا ورالادى.
قىتايلىق ب ا ق-تىڭ حابارلاۋىنشا، تاڭدايعا تاتىپ، ءدامى اۋىزدا قالاتىن التاي قويىنىڭ ەتى - التىن التايدىڭ شۇيگىن ءشوبى مەن تۇنىق سۋىنىڭ ءنارى. التاي قويىنىڭ بويىنداعى ەرەكشەلىگى ءدال وسى تابيعي ەكولوگيامەن تىكەلەي بايلانىسىندا جاتىر.
تۇركيادا 2000 جىلدىق ءماجىلىس عيماراتى تابىلدى - TRT
تۇركيانىڭ وڭتۇستىك- باتىسىندا ورنالاسقان، يۋنەسكو-نىڭ الەمدىك مۇرا تىزىمىنە ەنگەن ەجەلگى لاوديكيا قالاسىندا جۇرگىزىلگەن قازبا جۇمىستارى كەزىندە 2000 جىلدىق ءماجىلىس عيماراتى تابىلدى. عيمارات ەجەلگى مەگاپوليستىڭ اكىمشىلىك ورتالىعى بولۋى مۇمكىن دەگەن بولجام بار، دەپ حابارلايدى تۇركيا راديو تەليەۆيزيا پورتالى.
ريم داۋىرىنە تيەسىلى بۇل جادىگەر ەجەلگى انادولىدا بۇرىن-سوڭدى كەزدەسپەگەن ساۋلەت ۇلگىسى قۇرىلىمىنا يە.
بۇعان دەيىن لاوديكيادا جۇرگىزىلگەن قازبالاردا فرەسكالارمەن بەزەندىرىلگەن تراۆەرتەن بلوكتار، شامامەن 3 مەتر بيىكتىكتەگى (شامامەن 10 فۋت) اتاقتى ريم يمپەراتورى تراياننىڭ ءمۇسىنى، ترايان فونتانى، ءبىر ءدىني قىزمەتكەردىڭ باس ءمۇسىنى جانە گومەردىڭ «وديسسەيا» ەپوسىنداعى قورقىنىشتى سكيللانى بەينەلەيتىن مۇسىندەر تابىلعان بولاتىن.
تاريحى ب. ز. د. I عاسىردىڭ سوڭىنا دەيىن جەتەتىن بۇل قۇرىلىس 600-800 ادامعا ارنالعان جانە ب. ز. VII عاسىرىنا دەيىن قولدانىلعان.
«TRT» - نىڭ دەرەگىنشە، ورىندىقتارعا قاشالىپ جازىلعان ەسىمدەردەن ماجىلىستەگى قاريالار، جاستار جانە ازاماتتار انىقتالدى. ساياسي اگورا، ارحيۆ زالدارى، ۇلكەن مونشا كەشەنى جانە ايماقتىڭ ەڭ ءىرى ستاديونىمەن قورشالعان بۇل ايماق لاوديكيانىڭ ريم داۋىرىندە ماڭىزدى اكىمشىلىك جانە سوت ورتالىعى بولعانىن راستايدى.
سادىر جاپاروۆ پەن مۇرات نۇرتىلەۋ ىنتىماقتاستىقتىڭ وزەكتى ماسەلەلەرىن تالقىلادى- Eurasia Today
سادىر جاپاروۆ پەن مۇرات نۇرتىلەۋ قىرعىزستان- قازاقستان ەكىجاقتى ىنتىماقتاستىعىنىڭ ءوزارا مۇددەلى بارلىق سالاداعى وزەكتى ماسەلەلەرىن تالقىلادى، دەپ جازادى Eurasia Today.
اتالعان ب ا ق-تىڭ حابارلاۋى بويىنشا قىرعىز رەسپۋبليكاسىنىڭ پرەزيدەنتى سادىر جاپاروۆ بۇگىن، 1 تامىزدا شولپون- اتادا قازاقستان رەسپۋبليكاسى پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋدى قابىلدادى.
كەزدەسۋ بارىسىندا قىرعىزستان- قازاقستان ەكىجاقتى ىنتىماقتاستىعىنىڭ ءوزارا مۇددەلى بارلىق سالاداعى وزەكتى ماسەلەلەرى، سونىڭ ىشىندە ەلدەر اراسىنداعى باسىم جوبالاردى ىسكە اسىرۋ، ونىڭ ىشىندە قامبار-اتا گ ە س-1 قۇرىلىسى تالقىلاندى.
مەملەكەت باسشىسى مەملەكەتارالىق قارىم-قاتىناستىڭ دايەكتى كەڭەيۋىنە، ولاردى پراكتيكالىق مازمۇنمەن تولىقتىرۋعا ىقپال ەتەتىن بارلىق دەڭگەيدەگى ساياسي ديالوگتىڭ قارقىندى تەرەڭدەۋىن اتاپ ايتتى.
اۆتور
بەيسەن سۇلتان ۇلى
