داۋلەسكەر كۇيشى قىزىرحان باباقۇمار ۇلىنىڭ «كۇي شاشۋ» كەشى كورەرمەنگە جول تارتادى

ونەر كەشى 13-مامىر كۇنى ساعات 19:00 دە الماتىداعى قۇرمانعازى اتىنداعى قازاق ۇلتتىق حالىق اسپاپتار وركەسترىنىڭ كونسەرت زالىندا وتەدى.

كەش بارىسىندا قۇرمانعازى اتىنداعى قازاق ۇلتتىق حالىق اسپاپتار وركەسترى ونەر كورسەتەدى. وركەسترگە ديريجەر، قازاقستاننىڭ ەڭبەك سىڭىرگەن قايراتكەرى جەكسەن ايسىن جەتەكشىلىك ەتەدى.

سونىمەن قاتار، ساحنادا ق ر مادەنيەت قايراتكەرى، كۇيشى مۇرات ءابۋعازى، قۇرمانعازى اتىنداعى قازاق ۇلتتىق كونسەرۆاتورياسىنىڭ دوتسەنتى، كۇيشى قۋانىش جۇماعالي، قازاقستاننىڭ ەڭبەك سىڭىرگەن قايراتكەرى ەركىن شۇكىمان، مادەنيەت سالاسىنىڭ ۇزدىگى، كۇيشى نۇرلان تۇمەنبايەۆ، ەسترادا ءانشىسى بيبيگۇل انافيا قىزى، حالىقارالىق جانە رەسپۋبليكالىق كونكۋرستاردىڭ لاۋرەاتى، ءانشى-جىرشى ەرمەك راحىمباي، سونداي-اق جەتىگەنشىلەر نۇرساۋلە تابانوۆا مەن جاننۇر قۋانىش ونەر كورسەتەدى.

ايتا كەتەيىك، قىزىرحان باباقۇمار ۇلى 1959 -جىلى قىتاي حالىق رەسپۋبليكاسىنىڭ التاي وڭىرىندەگى شەمىرشەك اۋىلىندا دۇنيەگە كەلگەن. ول «كۇي-كەرۋەن» اتتى ەكى جيناققا توپتاستىرىلعان 60 تان استام كۇيدىڭ اۆتورى. سونىمەن قاتار، 20 دان استام اۆتورلىق كۇيلەرى مەن بىرنەشە اندەرى بار.

كومپوزيتوردىڭ 50 دەن استام كۇيى ق ر ۇلتتىق مۋزەي مۇراعاتىنا، 17 كۇيى «دومبىرا» تەلەارناسىنا، 40 قا جۋىق تۋىندىسى شالقار راديوسى التىن قورىنا ەنگىزىلگەن.