الەمدىك ب ا ق- تاعى قازاقستان: ماڭىزدى مالىمدەمە، كەن ورىندارىن يگەرۋ جانە ەۋروپامەن بايلانىس

ماۋسىمنىڭ العاشقى اپتاسىندا الەمنىڭ ءار تۇكپىرىنەن حابار تاراتاتىن بۇقارالىق اقپارات قۇرالدارى قازاقستان جايلى از جازعان جوق. ادەتتەن جاڭىلماي بۇل جولى دا وقىرمانعا شەتەلدىك باسىلىمداردان شولۋ ۇسىنامىز.

قازاقستان پرەزيدەنتىنىڭ تاياۋ شىعىس جايلى مالىمدەمەسى، رەسەي مەملەكەتتىك دۋماسى ءتوراعاسىنىڭ الماتىعا كەلۋىنەن باستاپ، اقبوكەن سانىنىڭ كوبەيۋى دە الەم نازارىندا بولدى. قالعانىن kazinform ءتىلشىسىنىڭ شولۋىنان وقىپ كورىڭىز.

تاياۋ شىعىستاعى قاقتىعىستىڭ جالعىز شەشىمى - پالەستينا مەملەكەتىن قۇرۋ - توقايەۆ

قازاقستان پرەزيدەنتى گەوساياسي قاراما- قايشىلىقتار اسەرىنەن وڭىرلىك قاۋىپسىزدىككە تونەتىن قاتەرلەردىڭ اۋقىمى ايتارلىقتاي كەڭەيگەنىن جەتكىزدى. تاياۋ شىعىستاعى ۇزاق ۋاقىتقا سوزىلعان قاقتىعىستىڭ جالعىز شەشىمى - «ەكى حالىق ءۇشىن ەكى مەملەكەت» فورمۋلاسىنا نەگىزدەلگەن، استاناسى شىعىس يەرۋساليمدە بولاتىن پالەستينا مەملەكەتىن قۇرۋ. قاسىم- جومارت توقايەۆتىڭ تاياۋ شىعىستاعى قاقتىعىستارعا بايلانىستى وسىنداي كوزقاراسىن Anadolu Agency جاريالادى.

مەملەكەت باسشىسى بۇل ءسوزىن ۇجىمدىق قاۋىپسىزدىك شارتى ۇيىمى (ۇ ق ش ۇ) پارلامەنتتىك اسسامبلەياسى كەڭەسىنىڭ وتىرىسىنا قاتىسۋشىلارىمەن كەزدەسۋىندە ايتقان.

- الەمدەگى قاقتىعىس قاۋىپتى دەڭگەيگە جەتتى. اسىرەسە، تاياۋ شىعىستاعى احۋال قاتتى الاڭداتادى. گازا سەكتورىندا كۇن سايىن جۇزدەگەن ادام قازا تاۋىپ، جاراقات الىپ جاتىر. ولاردىڭ اراسىندا قاراپايىم ازاماتتار، ايەلدەر مەن بالالار بار. ميلليوننان استام بەيبىت تۇرعىن قيىن جاعدايعا تاپ بولدى. بارلىق نەگىزگى حالىقارالىق ۇيىمدار پالەستيناداعى گۋمانيتارلىق احۋالدى مۇشكىل دەپ اتادى. شىن مانىندە، اپاتتى جاعداي شەگىنە جەتۋگە تاياپ قالدى، - دەپ كەلتىردى باسىلىم پرەزيدەنت ءسوزىن.

سونداي- اق اگەنتتىك قاسىم-جومارت توقايەۆتىڭ ب ۇ ۇ باس اسسامبلەياسىنىڭ 2024 -جىلعى 10-مامىرداعى پالەستينالىقتاردىڭ ۇيىمعا مۇشەلىك قۇقىعىن مويىنداۋ تۋرالى قارار قابىلداعانىن قۇپتاپ، اۋعانستاندى ايماقارالىق بايلانىستارعا بەلسەندى تۇردە تارتۋ كەرەك ەكەنىن ايتقانىنا ەرەكشە ءمان بەرگەن.

centralasia.news: توقايەۆ رەسەي مەملەكەتتىك دۋماسىنىڭ ءتوراعاسى ۆياچەسلاۆ ۆولوديندى قابىلدادى

centralasia.news 3 ماۋسىمدا الماتىدا قازاقستان پرەزيدەنتى قاسىم-جومارت توقايەۆتىڭ ۇ ق ش ۇ پارلامەنتتىك اسسامبلەياسى كەڭەسىنىڭ وتىرىسىنا قاتىسۋ ءۇشىن كەلگەن رەسەي فەدەراتسياسى مەملەكەتتىك دۋماسىنىڭ ءتوراعاسى ۆياچەسلاۆ ۆولودينمەن كەزدەسكەنىن جازدى. اڭگىمەلەسۋ بارىسىندا ستراتەگيالىق ارىپتەستىكتى نىعايتۋ ماسەلەلەرى تالقىلانعان.

سونداي- اق باسىلىم قوس تاراپتىڭ ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى دامىتۋعا، ەۋرازيالىق ينتەگراتسيانىڭ پەرسپەكتيۆالارىنا نازار اۋدارعانىنا توقتالعان.

كەزدەسۋدە قازاقستان پرەزيدەنتى زاڭ شىعارۋشى ورگانداردىڭ ىنتىماقتاستىقتى نىعايتۋداعى ماڭىزدى ءرولىن اتاپ ءوتىپ، پارلامەنتارالىق بايلانىستاردى ودان ءارى دامىتۋعا شاقىردى. بۇل قازاقستان مەن رەسەي حالىقتارىنىڭ ءال- اۋقاتىنىڭ ارتۋىنا ىقپال ەتپەك. ءوز كەزەگىندە ۆولودين توقايەۆقا رەسەي پرەزيدەنتى ۆلاديمير پۋتيننىڭ جىلى لەبىزىن جەتكىزدى.

Trend: قازاقستان كەن ورىندارىن يگەرۋ جوباسىن قولعا الۋدا

قازاقستاندا «قالامقاس- تەڭىز» جانە «حازار» كەن ورىندارىن يگەرۋ بويىنشا مۇناي- گاز جوباسىن جۇزەگە اسىرۋ باستالادى. بۇل جايىندا Trend جازدى.

جوبانى «قازمۇنايگاز» ۇ ك» ا ق مەن «لۋكويل» پ ا ق بىرلەسىپ جۇزەگە اسىرماق، ءارقايسىسىنىڭ 50 پايىز ۇلەسى بار. قاجەتتى كەلىسىمدەرگە قول قويىلعان سوڭ بىرلەسكەن كاسىپورىن - جوبا وپەراتورى رەتىندە «Kalamkas - Khazar Operating» ج ش س قۇرىلعان.

سونىمەن قاتار جوسپارعا 2026 -جىلى «قالامقاس- تەڭىز» كەن ورنىندا ءوندىرىستى جىلدام ىسكە قوسۋ ءۇشىن قازاقستاندىق تەڭىز پلاتفورمالارىنىڭ قۇرىلىسىن باستاۋ كىرەدى. وعان 6 ميلليارد دوللاردان استام تىكەلەي ينۆەستيتسيا تارتىلادى دەپ كۇتىلۋدە. يگەرۋ كەزەڭىندە 2000 عا دەيىن، ال پايدالانۋ كەزەڭىندە 300 گە دەيىن جاڭا جۇمىس ورنى اشىلادى.

باسىلىمنىڭ جازۋىنشا، جوبا قازاقستاننىڭ ەكونوميكالىق الەۋەتىن ايتارلىقتاي ارتتىرۋعا، الەۋمەتتىك- ەكونوميكالىق دامۋعا قولايلى مۇمكىندىك بەرەدى. سونداي- اق اقپاراتتا ق ر ەنەرگەتيكا مينيسترلىگىنىڭ «جوبا ارقىلى الەمدىك دەڭگەيدەگى مامانداردى دايىنداۋعا بولادى» دەگەن باستاماسىنا زەر سالىنعان.

Eureporter: ەۋروپامەن بايلانىستاعى ەڭ بەلسەندى ەل

بريۋسسەلدە ورتالىق ازيا ەلدەرىنىڭ سىرتقى ىستەر مينيسترلەرىنىڭ ورىنباسارلارى مەن ەۋروپالىق سىرتقى ارەكەت قىزمەتى باس حاتشىسىنىڭ ورىنباسارى جوعارى دەڭگەيدەگى ساياسي جانە قاۋىپسىزدىك ديالوگىن وتكىزدى. بۇل جايىندا Eureporter جەتكىزدى.

باسقوسۋدا كولىك، ساۋدا-ەكونوميكالىق، ەنەرگەتيكا جانە كليماتتىق قاتىناستاردى، سونداي- اق اۋعانستانداعى جاعدايعا بايلانىستى قاۋىپسىزدىكتىڭ ورتاق سىن- قاتەرلەرىن قوزعاي وتىرىپ، ورتالىق ازيا مەن ەو اراسىنداعى بايلانىستى تەرەڭدەتۋدىڭ بىرلەسكەن جول كارتاسى تالقىلانعان.

باسىلىمنىڭ جازۋىنشا، قازاقستان سىرتقى ىستەر ءمينيسترىنىڭ ورىنباسارى رومان ۆاسيلەنكو ورتالىق ازياداعى ەلدەردىڭ «بارلىعى دا كوشباسشى، ءبىر كوماندا بولىپ جۇمىس ىستەيدى» دەپ مالىمدەگەن. ءوز كەزەگىندە كوميسسيانىڭ دەرەككوزى قازاقستاندى ەۋروپامەن بايلانىس ورناتۋدا ەڭ بەلسەندى ەل دەپ اتادى.

ق ر سىرتقى ىستەر ءمينيسترىنىڭ ورىنباسارى قازاقستان ارقىلى كەڭەيىپ جاتقان ساۋدا جولى ەۋروپا مەن ازيانى بايلانىستىرىپ قانا قويماي، بارلىق ورتالىق ازيا ەلدەرىن قامتيتىن سولتۇستىك- وڭتۇستىك تارماقتارىن قۇرۋ ماڭىزدى ەكەنىن ايتتى. ونىڭ ۇستىنە ايماقىشىلىك ساۋدانىڭ قۇنى كەيىنگى 6 جىلدا 2 ەسە وسكەن.

«ورتا ءدالىز» نەمەسە «جاڭا جىبەك جولى» اتالاتىن ترانسكاسپي جولىنىڭ دامۋى قىتاي مەن ەۋروپا اراسىنداعى ترانزيت سەكىلدى ايتىلادى. الايدا بۇل ورتالىق ازيانى دا قامتيتىن ءدالىز. سوندىقتان رومان ۆاسيلەنكو تابيعي رەسۋرستاردى قازاقستاندا وڭدەپ، ءدالىز ارقىلى ەۋروپاعا جەتكىزۋدىڭ ۇنەمدى تاسىلدەرىن ويلاستىرۋ كەرەك ەكەنىن ايتقان.

سونىمەن قاتار باسىلىم قازاقستاننىڭ 200 ميلليون گەكتار قۇنارلى جەرىنىڭ جارتىسى يگەرىلمەي جاتقان، ايتپەسە اۋىل شارۋاشىلىعىندا وراسان زور الەۋەتى بار ەكەنىنە نازار اۋدارعان. قازىر قازاقستان ەۋروپالىق تۇتىنۋشىلاردىڭ تالابىنا ساي ورگانيكالىق سەرتيفيكاتتاۋ باعىتىندا جۇمىس ىستەپ جاتىر. سوندىقتان ەكولوگيالىق تازا ءوندىرىس، اتاپ ايتقاندا استىق، بال مەن ەت ونىمدەرى سالاسىن جولعا قويۋدا.

The Times of Central Asia: قازاقستاندا اقبوكەن سانى كوبەيدى

مامىر ايىنىڭ باسىندا قازاقستان بيوالۋانتۇرلىلىكتى ساقتاۋ اسسوتسياتسياسى ەلدە مەكەندەيتىن اقبوكەندەردىڭ سانى شامامەن 2833600 باسقا جەتكەنىن حابارلادى. بۇل وتكەن جىلمەن سالىستىرعاندا 40 پايىزعا كوپ. زەرتتەۋ مامىر ايىنداعى تولدەۋ كەزەڭىنە دەيىن جۇرگىزىلگەن. بۇل جاڭالىقتى The Times of Central Asia باسىلىمى ءبولىستى.

باسىلىم 2003 -جىلى سانى بار بولعانى 20000 بولعان كيىكتىڭ ايتارلىقتاي كوبەيۋىن ۇلكەن قادامعا باعالاعان. 2015 -جىلى باكتەريالىق اۋرۋدىڭ ورشۋىنە بايلانىستى پوپۋلياتسيا ازايدى. دەگەنمەن قازاقستان بىرنەشە اۋرۋ مەن ەكسترەمالدى اۋا رايىنا ءتوزىمسىز جانۋاردى قورعاۋ اۋماعىن كەڭەيتىپ، سانىن كوبەيتە الدى. قازىر ەل بيلىگى فەرمەرلەردىڭ دە مۇددەسىن ەسكەرە وتىرىپ، پوپۋلياتسيانى باقىلاۋدىڭ جاڭاشا تاسىلدەرىن قاراستىرۋدا.

- بيىل ماماندار اقبوكەندەردىڭ سانىن ءبىلۋ ءۇشىن تىكۇشاقپەن 150000 شارشى شاقىرىم اۋماقتى ارالاعان. جانۋارلاردى ۇركىتىپ الماۋ ءۇشىن تىكۇشاقتار 120 مەتر بيىكتىكتە 215 ساعات بويى ۇشقان، - دەپ كەلتىردى باسىلىم «التىن دالا» تابيعاتتى قورعاۋ باستاماشىلارىنىڭ ءسوزىن.

جوباعا مەملەكەتتىك ۆەدومستۆولار تارتىلعان. مارشرۋتتاردى جوسپارلاپ، مالىمەتتەردى جيناۋ مەن ناتيجەلەردى وڭدەۋ ءىسى عىلىمي زەرتتەۋلەر ارقىلى جۇزەگە اسقان.

اۆتور

ماديار تولەۋوۆ