الەمدىك ازىق-تۇلىك جەتكىزىلىمىنە قاۋىپ ءتونىپ تۇر - ب ۇ ۇ

حالىقارالىق تەڭىز ۇيىمى ورمۋز بۇعازىندا كەمەگە تاعى ءبىر شابۋىل جاسالعانىن حابارلادى. سوڭعى نىسانا تولىق تيەلگەن كۋۆەيت مۇناي تانكەرى بولدى. شابۋىل دۋباي جاعالاۋىندا ورنالاسقان تانكەر بورتىندا ورتكە ۇلاستى.

وسى جاعداي، ا بايلانىستى ەكيپاج قاۋىپسىز، قورشاعان ورتانى لاستاۋ قاۋپى جوق، دەپ حابارلاندى.

قازىرگى ۋاقىتتا بۇعاز ايماعىندا كەمەلەرگە 19 شابۋىل جاسالعانى راستالدى.

حالىقارالىق تەڭىز ۇيىمى (ح ت ۇ) شامامەن 2000 كەمەدەگى 20 مىڭ تەڭىزشىنىڭ بۇعازددا قالىپ قويعانىنا الاڭداۋشىلىق ءبىلدىرىپ وتىر.

ۇيىم وكىلى دامەن شيەۆالە مۇندايدى بۇرىن-سوڭدى بولماعان جاعداي دەپ اتادى. ونىڭ ايتۋىنشا، بۇل ەكىنشى دۇنيەجۇزىلىك سوعىستان بەرى بايقالماعان.

سوعىس باستالعالى بەرى گۋمانيتارلىق ۇيىمدار داعدارىستى باسىنان وتكەرىپ جاتقان ەلدەردەگى حالىقتىڭ ەڭ وسال توپتارى ءۇشىن داعدارىستىڭ سالدارى تۋرالى ەسكەرتتى. بۇگىن ب ۇ ۇ-نىڭ دۇنيەجۇزىلىك ازىق-تۇلىك باعدارلاماسى (WFP) بۇل قورقىنىش سۋدان، وڭتۇستىك سۋدان جانە سوماليدە شىندىققا اينالعانىن راستادى.

بۇل ايماقتارداعى گۋمانيتارلىق وپەراتسيالار جەتكىزىلىمنىڭ كەشىگۋى مەن شىعىنداردىڭ كۇرت وسۋىنە بايلانىستى قۇلدىراۋ شەگىنە جەتتى. كومەك قاجەت ەلدەرگە ارنالعان شامامەن 70 مىڭ توننا ازىق-تۇلىك سوعىس ارەكەتتەرىنە بايلانىستى بلوكتالعان، تاۋارلار قازىرگى ۋاقىتتا پورتتاردان شىعا الماي تۇر.

مىسالى، بۇرىن دۇنيەجۇزىلىك ازىق-تۇلىك باعدارلاماسى يران ارقىلى ترانزيتپەن اۋعانستانداعى 17 ميلليون مۇقتاجعا كومەك جەتكىزەتىن. قازىر اگەنتتىك جۇكتەردى دۋبايدان ساۋد ارابياسى ارقىلى اۆتوكولىكپەن باعىتتاۋعا ءماجبۇر.

كوپجىلدىق قارجى تاپشىلىعى جاعدايدى ۋشىقتىردى.

- ءبىزدىڭ رەزەرۆتىك قورلارىمىز تولىعىمەن تاۋسىلدى. ءبىز ءبىر كۇنمەن ءومىر ءسۇرىپ جاتىرمىز، - دەدى جەنەۆاداعى جۋرناليستەرگە ۇ ق ج وكىلى كورين فلەيشەر.

ايتا كەتەيىك، قاقتىعىس باستالعاننان بەرى ليۆاننان سيريا شەكاراسىن 200 مىڭنان استام ادام كەسىپ وتكەن. ولاردىڭ كوپشىلىگى بەيرۋت پەن ەلدىڭ باسقا ايماقتارىنداعى جارىلىستاردان قاشىپ كەلەدى.