الەمدەگى ەڭ جايلى قالا قاي قالا ەكەنى بەلگىلى بولدى

استانا. قازاقپارات  - ءار قالانىڭ جالپى رەيتينگى بەس ءتۇرلى ساناتتاعى 100 ۇپايدان ورتاشا باللدى ەسەپتەۋ ارقىلى شىعارىلادى: تۇراقتىلىق، مادەنيەت جانە قورشاعان ورتا، ءبىلىم بەرۋ، دەنساۋلىق ساقتاۋ جانە ينفراقۇرىلىم.

ۆەنا بيىل تاعى دا الەمدەگى ەڭ جايلى قالا دەپ تانىلدى. The Economist Global جۇرگىزگەن زەرتتەۋدە ۇزدىك قالالاردىڭ قاتارىنا 3 ەۋروپا قالاسى كىرگەن، دەپ حابارلايدى euronews.com.

ۆەنا تۋرالى سيپاتتاۋعا بولاتىن كوپتەگەن تاماشا ەپيتەتتەر بار: ادەمى، تاريحي، كوركەم، مادەني. ەندى وسى تىزىمگە تاعى ءبىر ءسوزدى قوسۋعا بولادى: جايلى. اۆستريا استاناسى قاتارىنان ءۇش جىل The Economist جۋرنالىنىڭ جىل سايىنعى ءومىر سۇرۋگە قولايلىق يندەكسىنە ەنگىزىلگەن 173 قالا ىشىنەن الەمدەگى ەڭ جايلى قالا دەپ تانىلدى.

ءومىر سۇرۋگە قولايلىق - سۋبەكتيۆتى ۇعىم جانە The Economist Global ءومىر سۇرۋگە قولايلىق يندەكسى ءمىنسىز ەمەس. الايدا ۇپاي بەلگىلى ءبىر كورسەتكىش جيىنتىعى ارقىلى انىقتالادى. ءار قالانىڭ جالپى رەيتينگى بەس ءتۇرلى ساناتتاعى 100 ۇپايدان ورتاشا باللدى ەسەپتەۋ ارقىلى شىعارىلادى: تۇراقتىلىق، مادەنيەت جانە قورشاعان ورتا، ءبىلىم بەرۋ، دەنساۋلىق ساقتاۋ جانە ينفراقۇرىلىم.