الەمدەگى ەڭ بيىك كوپىر سالىنىپ جاتىر

استانا. قازاقپارات - 4-قاراشادا سالىنىپ جاتقان الەمدەگى ەڭ بيىك كوپىر گۋيجۋداعى حۋاجيان شاتقالى كوپىرىنىڭ قۇرىلىسىندا ماڭىزدى جەتىستىكتەرگە قول جەتكىزىلدى، دەپ حابارلايدى «حالىق گازەتى» باسىلىمى.

قىتايلىق ب ا ق- تىڭ كەلتىرگەن دەرەگىنە سۇيەنسەك، كابەلدىك كران سالماعى شامامەن 215 توننا بولاتىن العاشقى بولات فەرمانى (كونسترۋكتسيانى - اۆت.) بەلگىلەنگەن جەرگە ءدال ورنالاستىرىپ، كوپىردىڭ كەلەسى جىلى اشىلۋى مەن پايدالانىلۋىنا نەگىز قالاپ، جاڭا كەزەڭگە ءوتتى.

قۇرىلىسى 2022 -جىلى باستالعان حۋاجيان شاتقالىنىڭ كوپىرى «جەر شارىنىڭ جىرتىعى» دەپ اتالاتىن حۋاجيان اتتى ۇلكەن شاتقالعا سالىنىپ جاتقانىمەن ايگىلى. بۇل - گۋيجۋ ولكەسىندەگى ليۋجي- انلۋن تاسجولىنىڭ باسقارىلاتىن جوباسى.

«ۇزىندىعى 2890 مەترلىك كوپىر - سۋ بەتىنەن تىك بيىكتىگى 625 مەتر بولاتىن اسپالى كوپىر. قۇرىلىس اياقتالعاننان كەيىن ول الەمدەگى ەڭ بيىك كوپىرگە اينالادى»، - دەپ جازادى «حالىق گازەتى» .

اۆتور

بەيسەن سۇلتان