الەمدەگى ەڭ باي ادامداردىڭ تىزىمىنە ەكى قازاقستاندىق وليگارح ەندى

استانا. قازاقپارات – Bloomberg ميللياردەرلەرىنىڭ جاھاندىق يندەكسى جاريالاندى. تىزىمدە قازاقستاننىڭ ەكى وكىلىنە ورىن تابىلدى، دەپ حابارلايدى Ulysmedia.kz.

ءبىزدىڭ ەلىمىزدىڭ ەڭ باي وكىلى - KAZ Minerals Ltd اكسيونەرى، پرەزيدەنتى جانە اتقارۋشى ەمەس ديرەكتورى ۆلاديمير كيم. KAZ Minerals توبىنىڭ قۇرامىنا پاۆلودار وبلىسىنداعى بوزشاكول اشىق ۇلگىدەگى جانە شىعىس قازاقستان وبلىسىنداعى اقتوعاي كەنىشتەرى، شىعىس قازاقستانداعى ءۇش جەراستى كەنىشى، قىرعىزستانداعى بوزىمشاق التىن مىس كەنىشى جانە ر ف-داعى بايم كەن ورنى كىرەدى. ونىڭ بايلىعى 7,1 ميلليارد دوللاردى قۇرايدى.

ۇزدىك 500 دىككە، دالىرەك ايتساق، 492-شى ورىننان Kaspi.kz-تىڭ ءۇش ءىرى اكسيونەردىڭ ءبىرى كورىندى. ول - 54 جاستاعى ۆياچەسلاۆ كيم. ونىڭ بايلىعى 5,7 ميلليارد تەڭگەگە تەڭ.

ءتىزىمنىڭ باسىندا Amazon كومپانياسىنىڭ نەگىزىن قالاۋشى دجەفف بەزوس تۇر. ونىڭ بايلىعى - 200 ميلليارد دوللار. ول الەمدەگى ەڭ باي ادامدار رەيتينگىندە SpaceX يەسى يلون ماسكتى جانە LVMH Moet Hennessy - Louis Vuitton ديرەكتورلار كەڭەسىنىڭ ءتوراعاسى بەرنارد ارنونى باسىپ وزدى.