الەمدە بىردە-ءبىر ماسا ءومىر سۇرمەيتىن ەل بار

الەمدە تالاي قىزىق بار دەپ تامسانىپ جاتامىز عوي. ءيا، ول شىنىندا دا سولاي. جەر عالامشارىن جايلاعان ماسا ءبىر عانا ەلدە ءومىر سۇرمەيدى ەكەن.

بۇل − يسلانديا مەملەكەتى. عالىمدار مەن زەرتتەۋشىلەر مۇنىڭ سىر- سەبەبىن تولىق تاني قويماعان، دەسە دە يسلانديادا ماسانىڭ بىردە- ءبىر ءتۇرى ءومىر سۇرمەۋىن تابيعات ەرەكشەلىكتەرىمەن بايلانىستىرادى.

ەڭ تاڭداندىراتىنى ەۋروپاداعى ەلدەردىڭ شەكاراسى، سالىستىرمالى تۇردە وتە جاقىن. يسلاندياعا جاقىن ورنالاسقان نورۆەگيا، شوتلانديا، يرلانديا، ءتىپتى گرەنلانديادا ماسا بار ەكەنى انىقتالعان. ماسالار سۋىق پەن جىلۋدىڭ كەزەكتەسىپ تۇراتىنىنا شىداي المايدى ەكەن. ال يسلانديادا قىستا اۋا رايى لەزدە جىلىپ، سۋىپ قۇبىلادى. قانسورعىش جاندىكتەر وسى سەبەپتى دە يسلاندياعا جۋىمايتىن بولسا كەرەك.

egemen.kz