الماتىلىق دارىگەرلەر جۇرە الماي قالعان ناۋقاستىڭ اياعىن 10 سانتيمەترگە ۇزارتتى
الماتى. KAZINFORM - الماتىلىق دارىگەرلەر وزدىگىمەن جۇرە الماي قالعان ناۋقاسقا جامباس بۋىندارىنا ەندوپروتەزدەۋ وتاسىن جاساپ شىقتى.
الماتى قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، ناۋقاس جامباس سۇيەگى ايماعىنداعى اۋىرسىنۋ، ءجۇرىپ-تۇرۋىنىڭ قيىنداۋى مەن ءبىر اياعىنىڭ 10 سانتيمەترگە قىسقا بولۋىنا بايلانىستى ورتالىق قالالىق كلينيكالىق اۋرۋحاناسىنا جاتقىزىلعان.
ول بۇل دەرتپەن 10 جىل ۋاقىت كۇرەسكەن. كەيىنگى 3 جىلدا ناۋقاس وزدىگىنەن جۇرە الماي قالعان. وعان جۇرگىزىلگەن تەكسەرۋ مەن دارىگەرلەردىڭ كەڭەسىنەن سوڭ اياق بۋىنىن ۇزارتۋ مەن جامباس بۋىندارىنا ەندوپروتەزدەۋ وتاسىن جاساۋ تۋرالى شەشىم قابىلداندى.
تەحنيكالىق جاعىنان كۇردەلى وتانى و ق ك ا تراۆماتولوگ دارىگەرى داۋلەت چۋكمانوۆ جاسادى.
«ءبىز قاجەتتى كولەمدەگى ەندوپروتەز الدىق جانە جامباس بۋىنىنىڭ قالىپتى اناتومياسىن قالپىنا كەلتىرۋ ءۇشىن ونى يمپلانتاتسيالادىق. وتا بارىسىندا ءبىز جامباس بۋىنىنىڭ زاقىمدانۋىن بايقادىق جانە اياعىن 10 سانتيمەترگە دەيىن ۇزارتتىق. وتا ءساتتى اياقتالدى. وتادان كەيىن ناۋقاس فيزيوتەراپيا، ەمدىك جاتتىعۋ جانە كۇندەلىكتى ومىردە قاجەتتى كەڭەسپەن وڭالتۋ كۋرستارىنان ءوتتى»، - دەدى داۋلەت چۋكمانوۆ.
كۇردەلى وتا ناۋقاستىڭ ەكى اياعىن تەڭەستىرۋگە كومەكتەستى.
وڭالتۋدان ءوتۋ بارىسىندا ناۋقاس ءوزىنىڭ قوزعالۋ فۋنكسيالارىن قالىپقا كەلتىردى جانە قوزعالىس بارىسىندا بۋىندارداعى اۋىرسىنۋ ازايدى. اياقتى ۇزارتۋ ءساتتى ءوتىپ، ناۋقاس بەلسەندى ءومىر سالتىنا ورالدى.
دارىلەردىڭ سوزىنە سەنسەك، اياق سۇيەكتەرىن ۇزارتۋمەن جامباس بۋىندارىن ەندوپروتەزدەۋ وسىنداي كۇردەلى دياگنوز قويىلعان ناۋقاستار ءۇشىن ەڭ ءتيىمدى ەمدەۋ ءادىسى سانالادى.
«وتانىڭ ءساتتى ناتيجەسى ناۋقاستىڭ وتادان كەيىنگى كۇتىمى مەن دارىگەرلەردىڭ بەرگەن كەڭەسىن ۋاقتىلى ءارى دۇرىس ورىنداۋىندا ەكەنىن ەستەن شىعارماعان ءجون. وتا اۋىرسىنۋدى باسۋ، بۋىن فۋنكسيالارى مەن قىسقارعان اياقتى قالپىنا كەلتىرۋ ماقساتىندا جاسالدى»، - دەدى داۋلەت چۋكمانوۆ.
