الماتىداعى «كوكتوبە» تەلەمۇناراسىندا جارىقتاندىرۋ تەحنولوگياسى قالاي جۇمىس ىستەيدى

الماتى. KAZINFORM - «كوك-توبە» تەلەمۇناراسىندا باسقارىلاتىن مەديا قاسبەتتەر ورناتىلعان. مۇنداي تەحنولوگيا الەمدەگى كوپتەگەن ارحيتەكتۋرالىق قۇرىلىستا قولدانىلادى. بۇل تۋرالى الماتى قالاسى اكىمدىگىنىڭ باسپا ءسوز قىزمەتى حابارلادى.

- مەديا قاسبەتتەر ءار 30 مينۋت سايىن وشىرىلەدى. وسى كەزەڭدە تەك پروجەكتورلارمەن قامتاماسىز ەتىلگەن فوندىق جارىقتاندىرۋ جۇمىس ىستەيدى. سونىڭ ارقاسىندا تەلەديدار مۇناراسىنىڭ ەستەتيكالىق تارتىمدىلىعىن ساقتالادى جانە مەديا قاسبەتتەردىڭ ەنەرگيا ۇنەمدەيدى، - دەپ ءتۇسىندىردى اكىمدىكتەن.

ايتا كەتكەن ءجون، وسىعان ۇقساس تەحنولوگيا نيۋ- يوركتەگى Empire State Building عيماراتىن جانە دۋبايداعى بۋردج-حاليفا ءزاۋلىم عيماراتىن جارىقتاندىرادى.

الماتى تەلەمۇناراسىن جارىقتاندىرۋ كەستەسى كەلەسىدەي: كۇن سايىن ساعات 20.00 دەن 02.00 گە دەيىن ديناميكالىق جارىقتاندىرۋ جۇمىس ىستەيدى. ساعات 02.00 دەن 05.00 گە دەيىن تەك فوندىق رەجيمدە پروجەكتورلىق جارىقتاندىرۋ جۇمىس ىستەيدى.

مەرەكە كۇندەرى ساعات 21.00 دەن 02.00 گە دەيىن مۋلتيمەديالىق مەرەكەلىك بەينەروليك قوسىلادى.

ەسكە سالايىق، بۇعان دەيىن «كوكتوبە» تەلەمۇناراسىنىڭ ءۇش ولشەمدى ءتۇرلى-ءتۇستى مودەلى پايدا بولعانىن جازعانبىز.

ال، بيىل ءساۋىر ايىندا تەلەمۇناراعا نايزاعاي تۇسكەن بولاتىن.