الماتىدا ۇيىمداسقان 10 قىلمىستىق توپ ۇستالىپ، جۇزگە جۋىق قارۋ تاركىلەندى
الماتى. KAZINFORM - الماتىدا پوليتسيا ۇيىمداسقان قىلمىستىق توپ قۇرۋدىڭ 10 دەرەگىن تەرگەپ جاتىر.
الماتى قالالىق پوليتسيا دەپارتامەنتىنەن ءمالىم ەتكەندەي، مەگاپوليستە ۇيىمداسقان قىلمىستىق توپ قۇرۋدىڭ 10 دەرەگىن انىقتاۋ جۇمىسى ءجۇرىپ جاتىر، ونىڭ 1 ەۋى - ترانسۇلتتىق ۇيىمداسقان توپ قۇرۋ جانە وعان باسشىلىق ەتۋ.
- بىلتىر 22 ادامنىڭ قىلمىستىق ارەكەتى توقتاتىلدى. زاڭسىز اينالىمنان 99 اتىس قارۋى تاركىلەندى، ونىڭ ىشىندە 18 تاپانشا، التى اۆتومات، 26 مىلتىق، جەتى ۆينتوۆكا، التى شولاق مىلتىق، 35 تراۆماتيكالىق قارۋ، 15 جارىلعىش زات، سونداي-اق 1456 وق-ءدارى، - دەپ حابارلادى پوليتسيادان.
سونىمەن قاتار، ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ادام ساۋداسىنىڭ ەكى دەرەگىن، جەڭگەتايلىق پەن جەزوكشەلىكتىڭ 25 فاكتىسىن توقتاتتى.
بۇعان دەيىن الماتىدا ترانسۇلتتىق ۇيىمداسقان قىلمىستىق توپ مۇشەلەرى سوتتالعان بولاتىن.
