الماتىدا وتكەن جىلى 4 مىڭنان استام جاڭا كىتاپ باسىلعان

الماتى. KAZINFORM - الماتى - ەلىمىزدىڭ مادەني استاناسى. بيىل ماۋسىم ايىندا الماتىدا تاۋلىك بويى جۇمىس ىستەيتىن ءۇشىنشى كىتاپحانا اشىلدى. ال وتكەن جىلى مەگاپوليستە 4 مىڭنان استام جاڭا كىتاپ باسىلدى.

ق ر ۇلتتىق مەملەكەتىپ كىتاپ پالاتاسىنىڭ مالىمەتىنە سايكەس، 2023 -جىلى كىتاپ پالاتاسىنا باسپا جانە باسپا ۇيىمدارىنان 4012 كىتاپ كەلىپ تۇسكەن. ونىڭ ىشىندە: پسيحولوگيالىق كىتاپ – 78، جالپى ءبىلىم بەرەتىن مەكتەپكە ارنالعان وقۋلىق - 220 كىتاپ، كوركەم ادەبيەتتىڭ پروزا جانرىندا - 330 كىتاپ. قازاقستان تاريحى تۋرالى - 142 كىتاپ جارىق كورگەن.

- 2023 -جىلى قازاق تىلىندە – 2543، ورىس تىلىندە – 1312، اعىلشىن تىلىندە - 130 كىتاپ تىركەلگەن، - دەپ حابارلادى كىتاپ پالاتاسىنان.

ايتا كەتكەن ءجون، بيىل مەگاپوليستە 10-رەت Kitap Fest Almaty كىتاپ فەستيۆالى ۇيىمداستىرىلادى. الماتى قالاسى مادەنيەت باسقارماسىنىڭ قولداۋىمەن "BAURZHAN foundation" قورى وتكىزەتىن ءىس- شارا 14-15-قىركۇيەك كۇندەرى اربات الاڭىندا وتەدى. 2014 -جىلدان بەرى وتكىزىلىپ كەلە جاتقان جوبا اياسىندا بۇگىنگە دەيىن بەلگىلى قازاقستاندىق اۆتورلار مەن باسپالاردىڭ قاتىسۋىمەن 500 گە جۋىق كىتاپ تانىستىرىلعان.

ەسكە سالايىق، بۇعان دەيىن الماتىدا 20 جاڭا كىتاپحانا اشىلاتىنىن جازعانبىز.