19:59, 26 - ءساۋىر 2024 | GMT +6
الماتىدا ەر ادامنىڭ ايەلدى ۇرعان ءساتى ۆيدەوعا ءتۇسىپ قالىپ، پوليتسيا ءىس قوزعادى
الماتى. KAZINFORM - الەۋمەتتىك جەلىدە ايەلدى جۇدىرىقتاعان ەر ادامنىڭ ۆيدەوسى تارادى.
بەينەجازبادان ەر ادامنىڭ كوپقاباتتى تۇرعىن ءۇيدىڭ كىرەبەرىسىندە ايەلدى تەۋىپ، ارتىنشا بەتىنەن ۇرعانىن كورۋگە بولادى.
جەلى قولدانۋشىلار ءتۇرلى پىكىر جازىپ قالدىرىپ جاتىر.
الماتى قالاسى پوليتسيا دەپارتامەنتىنىڭ باسپا ءسوز قىزمەتى وسى جاعدايعا قاتىستى بۇزاقىلىق دەرەگى بويىنشا قىلمىستىق ءىس قوزعالعانىن مالىمدەدى.
«بەينەجازباداعى ادامداردىڭ كىم ەكەنى جانە وقيعانىڭ ءمان-جايى انىقتالىپ جاتىر. كىنالى ادام مىندەتتى تۇردە جاۋاپقا تارتىلادى»، - دەپ حابارلادى ۆەدومستۆودان.
بۇعان دەيىن الماتىدا بۇرىنعى ايەلىن اياۋسىز ۇرىپ-سوققان ەر ادامنىڭ قاماۋعا العانى تۋرالى جازعان بولاتىنبىز.
