الماتىدا قازاقستان مەن قىتايدىڭ مادەنيەت جارمەڭكەسى ءوتتى
الماتى. KAZINFORM - ءىس- شارا اباي الاڭىندا ءوتتى. جارمەڭكە قوناقتارى ەكى ەلدىڭ باي مادەني مۇراسىمەن تانىستى.
شارا قىتايدىڭ شيان قالاسىنان كەلگەن دەلەگاتسيانىڭ ساپارى جانە «ورتالىق ازيا - قىتاي» سامميتى اياسىندا ۇيىمداستىرىلدى.
كەلۋشىلەر قازاقستان مەن قىتايدىڭ مادەني مۇراسىمەن تانىسۋدىڭ بىرەگەي مۇمكىندىگىنە يە بولدى. وندا ءداستۇرلى مۋزىكالىق اسپاپتار، جاندى مۋزىكا مەن بي، سونداي-اق بارلىق جاستاعى ادامعا ارنالعان ينتەراكتيۆتى الاڭدار ۇسىنىلدى.
ايتا كەتەيىك، دەلەگاتسيا قوناقتارىن سيمپوزيۋمدار، ىسكەرلىك كەلىسسوزدەر جانە قازاقستاننىڭ وڭتۇستىك استاناسىنىڭ نەگىزگى كورىكتى جەرلەرىنە ەكسكۋرسيالار كۇتىپ تۇر.
ەسكە سالايىق، بۇعان دەيىن الماتىعا قىتايدىڭ سيان قالاسىنان تۋريستىك پويىز كەلگەن بولاتىن.
تۋريستىك دەلەگاتسيا قۇرامىندا 246 ادام بار. ولاردىڭ قاتارىندا كاسىپكەرلەر، عالىمدار، مادەنيەت پەن سپورت سالاسىنىڭ تانىمال وكىلدەرى بار. قىتايلىق قوناقتار بەس كۇن بويى ەلىمىزدىڭ وڭتۇستىك استاناسىنىڭ تاريحي-مادەني ەرەكشەلىكتەرىمەن تانىسىپ، ءتۇرلى شاراعا قاتىسادى.
