الماتىدا قىلمىس دەڭگەيى تومەندەدى

بۇل تۋرالى پوليتسيا دەپارتامەنتىنىڭ رەسمي وكىلى سالتانات ازىربەك ءمالىم ەتتى، دەپ حابارلايدى Kazinform.

الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك شاھارداعى قىلمىستىق احۋال تۋراقتالعانىن ايتتى.

«جالپى، جاعداي تۇراقتى جانە باقىلاۋدا. اۋىر جانە اسا اۋىر قىلمىس ءتۇرى تومەندەدى. اتاپ ايتار بولسام، كىسى ءولتىرۋ %48,9 عا، توناۋ 2,4 ەسە، دەنساۋلىققا اۋىر زيان كەلتىرۋ %18,1 عا،

زورلاۋ %27,1 عا، ينتەرنەتتەگى الاياقتىق 1,5 پايىزعا تومەندەدى»، - دەدى ول.

قوعامدىق ءتارتىپ پەن ازاماتتاردىڭ قاۋىپسىزدىگىن ساقتاۋ ءۇشىن مەگاپوليستە كۇنىنە 2500 پوليتسيا قىزمەتكەرى جۇمىلدىرىلادى.