الماتىدا قاساقانا جول ەرەجەسىن بۇزعان ءبىر توپ جۇرگىزۋشى ۇستالدى
الماتى. KAZINFORM - الماتى قالاسىندا تۇنگى ۋاقىتتا ءبىر توپ جۇرگىزۋشى جول قوزعالىسى ەرەجەلەرىن ورەسكەل بۇزعان. ولار تۇسىرگەن بەينەجازبا الەۋمەتتىك جەلىدە تارادى.
الماتى قالاسى پوليتسيا دەپارتامەنتىنىڭ مالىمەتىنشە، جۇرگىزۋشىلەر ارەكەتىنەن انىقتالعان قۇقىقبۇزۋشىلىقتار قاتارىندا - بۇرىلىس بەلگىسىن جاقپاي جولاق اۋىستىرۋ، قاراما-قارسى قوزعالىس جولاعىنا شىعۋ، وزگە جۇرگىزۋشىلەرگە قۇرمەتسىزدىك تانىتىپ، قاراپايىم ادەپ نورمالارىن ەلەمەۋ جانە قاۋىپسىزدىك شارالارىن قاساقانا بۇزۋ بار.
- بارلىق قاتىسى بار جۇرگىزۋشىلەر مەن جولاۋشىلار انىقتالىپ، پوليتسيا بولىمشەلەرىنە جەتكىزىلدى. اۆتوكولىكتەر ايىپپۇل تۇراعىنا قويىلدى. بۇزۋشىلارعا قاتىستى قۇقىقتىق ءىس-شارالار جۇرگىزىلىپ، ءارقايسىسىنا ءىس جاعدايىنا سايكەس ناقتى اكىمشىلىك قۇقىقبۇزۋشىلىقتار تاعىلدى، - دەپ حابارلادى دەپارتامەنتتەن.
