الماتىدا قامىس اراسىنداعى كولىك ىشىنەن ەر ادامنىڭ دەنەسى تابىلدى

الماتى. KAZINFORM - الماتىنىڭ تۇركسىب اۋدانىنداعى ساياباق ماڭىنداعى قامىس اراسىنان Toyota ماركالى اۆتوكولىك پەن بەيتانىس ادامنىڭ دەنەسى تابىلدى.

وقيعا 27-تامىزدا تۇندە بولعان. بۇل اقپارات الەۋمەتتىك جەلىدە تارادى.

الماتى پوليتسيا دەپارتامەنتى وسى وقيعاعا قاتىستى Kazinform.kz تىلشىسىنە تۇسىنىك بەردى.

ۆەدومستۆونىڭ مالىمەتىنشە، مارقۇمنىڭ كىم ەكەنى انىقتالدى.

- زورلىق-زومبىلىق بەلگىلەرى جوق. ماتەريالدار تۇركسىب اۋداندىق پوليتسيا باسقارماسىنىڭ وندىرىسىندە، - دەلىنگەن حابارلامادا.

ءولىمنىڭ ناقتى سەبەبىن انىقتاۋ ءۇشىن ءتيىستى ساراپتامالار تاعايىندالعان.