الماتىدا كوپ قاباتتى ءۇيدىڭ اۆتوتۇراعىندا ەكى كولىك ورتەندى

الماتى. KAZINFORM - الماتىدا كوپ قاباتتى ءۇيدىڭ اۆتوتۇراعىندا ەكى جەڭىل كولىك جانىپ كەتتى. وقيعا تۇنگى ۋاقىتتا بولعان.

الەۋمەتتىك جەلىدە اۆتوتۇراقتا جانىپ جاتقان جەڭىل كولىكتىڭ بەينەجازباسى تارادى. اتالعان جاعدايعا الماتى قالاسىنىڭ توتەنشە جاعدايلار دەپارتامەنتى تۇسىنىكتەمە بەردى.

- 3- قىركۇيەك 00:59-دا ءورت سوندىرۋشىلەر ە. برۋسيلوۆسكي كوشەسىندەگى 18-قاباتتى ءۇيدىڭ پاركينگىندە 10 شارشى مەتر اۋماقتى قامتىعان 2 اۆتوكولىكتىڭ وتقا ورانعانىن انىقتاپ، ءورتتى ءوشىردى. زارداپ شەككەن ادامدار تۋرالى اقپارات تۇسپەدى، - دەپ حابارلادى قالالىق ت ج د باسپا ءسوز قىزمەتى.

اۆتور
دوسبول اتاجان