الماتىدا كۋرەرلەردىڭ ميتينگىگە شىققانى تۋرالى اقپارات راس پا
الماتى. KAZINFORM - الەۋمەتتىك جەلىدە الماتىدا موپەد ارقىلى جەتكىزۋ قىزمەتىمەن اينالىساتىن ازاماتتار شەرۋگە شىققانى تۋرالى اقپارات تارادى.
الەۋمەتتىك جەلىدەگى بىرنەشە پاراقشادا كۋرەرلەردىڭ جينالىپ، شەرۋگە شىققانى حابارلاندى. بەينەجازباداعى اقپاراتتا جەتكىزۋ قىزمەتىمەن اينالىساتىن ادامداردىڭ جينالۋىنا ولارعا ارنالعان كاسىبي مەرەكەنىڭ بولماۋى سەبەپ بولعانى ايتىلعان. الايدا قالالىق پوليتسيا دەپاراتمەنتى اتالعان فاكتىنى جوققا شىعارىپ، بۇل فيلم ءتۇسىرىلىمى ەكەنىن مالىمدەدى.
الەۋمەتتىك جەلىدە تاراعان بەينەجازبا ءتۇسىرىلىم الاڭىندا جاسالعانىن جاۋاپتى كينوكومپانيا دا راستادى.
- كادرلار 6-تامىز كۇنى كەشكە «SHEKER. پوسلەدني شانس» تولىقمەتراجدى كينوسىنىڭ ءتۇسىرىلىم الاڭىندا كۋاگەرلەرمەن جاسالعان. جوبانى Sاlem Entertainment مەدياكومپانياسى Epicentrum كينوكومپانياسىمەن بىرلەسىپ جۇزەگە اسىرىپ جاتىر. جالپى ءتۇسىرىلىم پروتسەسسى تولىعىمەن اياقتالدى، كينو كۇزدە جارىققا شىعادى، - دەپ حابارلادى Sاlem Entertainment مەدياكومپانياسىنىڭ باسپا ءسوز قىزمەتىنەن.
ەسكە سالايىق، بۇعان دەيىن ياندەكس جۇرگىزۋشىلەرىنىڭ، كۋرەرلەردىڭ ەڭبەك قۇقىعى قالاي قورعالاتىنى تۋرالى جازعانبىز.
سونداي- اق الماتىدا زاڭسىز كۋرەر بولىپ جۇرگەن ءبىر توپ شەتەلدىك ەلىنە قايتارىلعانىن جازعان ەدىك.
