الماتىدا جول ەرەجەسىن بۇزىپ، 7 ميلليون ايىپپۇل جيناعان 19 جاستاعى جۇرگىزۋشى ۇستالدى
الماتى. KAZINFORM - الماتىدا 19 جاستاعى جۇرگىزۋشى از ۋاقىت ىشىندە 195 رەت جول ەرەجەسىن بۇزعان. ونى ءتارتىپ ساقشىلارى قالانىڭ مەدەۋ اۋدانىنداعى دوستىق داڭعىلى بويىندا ۇستادى.
قازىرگى ۋاقىتتا كولىك جۇرگىزۋشىسى اكىمشىلىك قاماققا الىنىپ، ونىڭ كولىگى مامانداندىرىلعان ايىپپۇل تۇراعىنا قويىلعان.
«از ۋاقىت ىشىندە جاس كولىك جۇرگىزۋشىسى 195 رەت جول ەرەجەسىن بۇزعان. ايىپپۇلدىڭ جالپى سوماسى شامامەن 7 ميلليون تەڭگە. كەي جاعدايدا جۇرگىزۋشى جالعان ءنومىردى پايدالانىپ، كولىكتىڭ جىلدامدىعىن 200 شاقىرىمعا دەيىن ۇدەتكەن. كولىكتىڭ ءوزى كورشى قىرعىزستاندا تىركەلگەن. سوت قاۋلىسىمەن كولىك جۇرگىزۋشىسى اكىمشىلىك قاماققا الىندى، ونىڭ كولىگى مامانداندىرىلعان ايىپپۇل تۇراعىنا قويىلدى. جۇرگىزۋشى بارلىق ايىپپۇلىن تولىعىمەن تولەۋگە مىندەتتى بولادى»، - دەدى الماتى قالاسى پ د باستىعىنىڭ ورىنباسارى، پوليتسيا پولكوۆنيگى نۇرلان امانبەك.
ەسكە سالايىق، بۇعان دەيىن 9 ايدا جول اپاتىنان 1700 دەن استام ادام قازا تاپقانىن جازعانبىز.
