الماتىدا جاس جىگىت كوپقاباتتى ۇيدەن سەكىرىپ كەتتى
الماتى. KAZINFORM - الماتىدا جاس جىگىت كوپقاباتتى ۇيدەن سەكىرىپ كەتتى. بۇل اقپاراتتى الماتى قالاسىنىڭ پوليتسيا دەپارتامەنتى راستادى.
جەلىدەگى مالىمەت بويىنشا، 18 جاستاعى جىگىت اۋەزوۆ اۋدانىنداعى كوپقاباتتى ۇيدەن سەكىرىپ، سۋيتسيد جاساعان.
- وسى دەرەك بويىنشا اۋەزوۆ اۋداندىق پ ب قىلمىستىق ءىس قوزعادى. وقيعانىڭ سەبەبى مەن ءمان-جايى انىقتالىپ جاتىر، - دەپ حابارلادى الماتى قالاسى پ د باسپا ءسوز قىزمەتى.
ايتا كەتكەن ءجون، بۇعان دەيىن الەۋمەتتىك جەلى قولدانۋشىلارى بالالاردى سۋيتسيدكە يتەرمەلەيتىن ويىنداردىڭ اسەرى بولۋى مۇمكىن ەكەنىن ايتىپ، دابىل قاققان بولاتىن.
ەسكە سالايىق، بۇعان دەيىن 19 جاستاعى جىگىت الماتىداعى دوستىق داڭعىلىنداعى كوپقاباتتى ۇيدەن سەكىرىپ كەتكەنىن جازعانبىز.
سونداي-اق وتكەن اپتادا الماتىدا كوپقاباتتى ۇيدەن قۇلاعان ەكى جاس ءوسپىرىم كوز جۇمدى.
