الماتىدا «حالىق قاتىساتىن بيۋدجەت» باعدارلاماسىنا ءوتىنىش قابىلدانىپ جاتىر

الماتى. KAZINFORM - الماتىدا «حالىق قاتىساتىن بيۋدجەت» باعدارلاماسىنا وتىنىمدەردى قابىلداۋ 9-قىركۇيەكتە باستالدى.

ءبىر اپتا ىشىندە budget.open-almaty.kz سايتىنا تۇرعىنداردان 248 ءوتىنىش كەلىپ تۇسكەن. 2023 -جىلدىڭ سايكەس كەزەڭىندە 151 ۇسىنىس تۇسكەن.

ەڭ كوپ ءوتىنىم الماتى قالاسىنىڭ ناۋرىزباي اۋدانىندا بەرىلگەن - 159 جوبا. ەكىنشى ورىندا تۇركسىب اۋدانى - 26 ۇسىنىس. كوبىنەسە قالا تۇرعىندارى بالالار جانە سپورت الاڭدارىن ورناتۋ نەمەسە جوندەۋ، اۋلالاردى كوگالداندىرۋ، سونداي- اق قوعامدىق اۋماقتاردى جارىقتاندىرۋ جوبالارىن ۇسىنادى.

«2025 -جىلى «حالىق قاتىساتىن بيۋدجەت» باعدارلاماسى بويىنشا يدەيالاردى ىسكە اسىرۋ ءۇشىن وسى جىلدىڭ 25-قىركۇيەگىنە دەيىن budget.open-almaty.kz پورتالىنا ءوتىنىم بەرۋ قاجەت. بارلىق كامەلەتكە تولعان تۇرعىندار بيۋدجەت قاراجاتى ەسەبىنەن قالانىڭ اۋلالارىن، كوشەلەرى مەن اۋماقتارىن اباتتاندىرۋ بويىنشا ۇسىنىستار جاساي الادى. بايقاۋ 8 كەزەڭنەن تۇرادى: وتىنىمدەردى قابىلداۋ، ساراپتامالىق باعالاۋ، اۆتورلاردىڭ جوبالاردى پىسىقتاۋى، پىسىقتالعان ۇسىنىستاردى قاراۋ، داۋىس بەرۋ، داۋىس بەرۋ قورىتىندىلارىن شىعارۋ، بيۋدجەتتىك وتىنىمدەردى قالىپتاستىرۋ، جوبالاردى ىسكە اسىرۋ»، - دەپ حابارلادى اكىمدىكتەن.

ايتا كەتكەن ءجون، وتىنىشتەردە جوبانىڭ اتاۋى مەن سيپاتتاماسى، ورنالاسقان جەرىنىڭ مەكەنجايى، بولجالدى فوتوسۋرەتتەر، سىزبا نەمەسە ەسكيز، جوبالىق ۇسىنىستىڭ سمەتاسى بولۋى كەرەك. ءبىر ءوتىنىش 92,3 ميلليون تەڭگەدەن (25 مىڭ ا ە ك) اسپاۋى كەرەك.

ەرەجەلەر تۋرالى تولىعىراق budget.open-almaty.kz ينتەرنەت- پورتالىنان وقۋعا بولادى.