الماتىدا بيىل 2 مىڭ بالا قىزىلشا جۇقتىرعان

корь
Фото: Kazinform

الماتى. KAZINFORM - الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى مەگاپوليستە جىل باسىنان بەرى قىزىلشانىڭ 3257 راستالعان جاعدايى تىركەلگەنىن حابارلادى.

دەپارتامەنت باسشىسى قاسىمحان الپىسباي ۇلىنىڭ ايتۋىنشا، 14 جاسقا دەيىنگى بالالار اراسىندا قىزىلشانىڭ 2008 جاعدايى (61,8 پايىز)، 15 جاستان 18 جاسقا دەيىنگى جاس وسپىرىمدەر اراسىندا - 167 (5,1 پايىز) جانە ەرەسەكتەر اراسىندا - 1082 (33,2 پايىز) جاعدايى تىركەلگەن. سەب باسشىسى بالالار اراسىنداعى اۋرۋشاڭدىقتىڭ نەگىزگى سەبەبى - ۆاكسيناتسيادان باس تارتۋ ەكەنىن ايتادى.

- قىزىلشا - ناۋقاس ادامنان ساۋ ادامعا اۋا ارقىلى، تىنىس الۋ جولدارىنان تامشىلارمەن نەمەسە جۇقتىرعان ادامداردىڭ مۇرنىنان نەمەسە تاماعىنان سەكرەتسيالارمەن تىكەلەي بايلانىستا بولعاندا جۇعادى. قىزىلشاعا قارسى جوسپارلى ۆاكسيناتسيا 2 رەت، ءبىرىنشىسى - 1 جاستا (12-15 اي)، ەكىنشىسى - 6 جاستا جۇرگىزىلەدى. 2023-جىلعى 10-قاراشا مەن 2024-جىلعى 3-شىلدەنىڭ ارالىعىندا قالادا قىزىلشا، قىزامىق، پاروتيتكە قارسى قوسىمشا جاپپاي يممۋنداۋ شەڭبەرىندە بارلىعى 162772 ادام قامتىلدى، - دەپ اتاپ ءوتتى ول.

ەسكە سالا كەتەيىك، بۇعان دەيىن الماتىدا جىل باسىنان بەرى 3 مىڭ ادام قىزىلشا جۇقتىرعانى حابارلانعان بولاتىن.

سوڭعى جاڭالىقتار