20:43, 30 - جەلتوقسان 2024 | GMT +5
الماتىدا بىرنەشە الاياقتىق جاساعان ايەل ۇستالدى
الماتى. KAZINFORM — الماتىنىڭ بوستاندىق اۋدانىنىڭ پوليتسەيلەرى الاياقتىق ارەكەتىن جاساپ، سەنگىش ازاماتتاردىڭ اقشاسىن يەمدەنىپ كەتكەن 23 جاستاعى ايەلدى ۇستادى.
ءبىرقاتار ۋنيۆەرسيتەتتىڭ دوكتورانتۋراسى مەن ماگيستراتۋراسىنا تۇسىرۋدە ءوزىن «مامان» رەتىندە ۇسىنعان كۇدىكتى الەۋمەتتىك جەلىدە تيىمدىرەك شارتتارمەن عىلىمي دارەجە الۋعا كومەكتەسەتىنى تۋرالى حابارلاندىرۋ جاريالاعان.
«ءبىر «كليەنتتەن» 500 مىڭنان 1 ميلليون تەڭگەگە دەيىن سىياقى العانى بەلگىلى بولدى. سوتقا دەيىنگى تەرگەۋدىڭ وسى كەزەڭىندە ونىڭ قاتىسۋىمەن جەتى الداۋ دەرەگى تىركەلدى. كۇدىكتى قاماۋعا الىندى»، - دەدى بوستاندىق اۋداندىق پوليتسيا باسقارماسىنىڭ باستىعى ديدار احانوۆ.
