الماتىدا ا ق ش- تان پوشتا سالەمدەمەسى تۇرىندە جەتكىزىلگەن ەسىرتكىنىڭ ءىرى پارتياسى انىقتالدى

الماتى. KAZINFORM - قارجىلىق مونيتورينگ اگەنتتىگى الماتىدا ا ق ش- تان پوشتا سالەمدەمەلەرى تۇرىندە اكەلىنگەن ەسىرتكىنىڭ ءىرى پارتياسىن اشكەرەلەدى.

جەدەل ءىس-شارالاردىڭ ناتيجەسىندە الماتى، پەتروپاۆل، سەمەي، كوكشەتاۋ، شىمكەنت جانە وسكەمەن قالالارىندا حالىق تۇتىناتىن تاۋارلار تۇرىندە جاسىرىلعان ەسىرتكى زاتتارى بار («ماريحۋانا» جانە «كاننابيس سىعىندىسى») ا ق ش- تان كەلگەن پوشتا جونەلتىلىمدەرىن ەل اۋماعىندا وتكىزۋ ماقساتىندا العان ازاماتتار ۇستالدى.

ناتيجەسىندە زاڭسىز اينالىمنان شامامەن 8 كەلى ماريحۋانا جانە 15 كەلىگە جۋىق كاننابيس سىعىندىسى (گاشيش مايى) تاركىلەندى. قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر، ق ر ون ازاماتى ۇستالىپ، ۋ ۇ ي- عا قاماۋعا الىندى.

جەدەل-تەرگەۋ شارالارى باس كولىك پروكۋراتۋراسىن ۇيلەستىرۋمەن جۇرگىزىلدى.

ق ر ق پ ك- ءنىڭ 201-بابى تارتىبىندە وزگە اقپارات جاريا ەتىلمەيدى.

ق ر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قىلمىستىق-پروتسەستىك كودەكسىنىڭ 19-بابىنىڭ 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.

جىل باسىنان بەرى اگەنتتىك ەسىرتكى اينالىمى فاكتىلەرى بويىنشا 93 قىلمىستىق ءىس تىركەلگەن. زاڭسىز اينالىمنان 52 كەلى ەسىرتكى تاركىلەندى، ونىڭ ىشىندە گاشيش - 8,7 كەلى، ماريحۋانا - 4,8 كەلى.

سونىمەن قاتار 1,7 كەلى پسيحوتروپتىق زاتتار تاركىلەندى (پيرروليدين - 974 گرام، تەتراگيدروكاننابينول - 780,3 گرام، مەتامفەتامين-1,26 گرام)، انابوليكتەر (ۋلى زات) - 206 مىڭ دانا جانە «تروپيكاميد» كوز تامشىلارى-1680 دانا.

بۇعان دەيىن جىل باسىنان بەرى زاڭسىز اينالىمنان 578 كەلى ەسىرتكى تاركىلەنگەنىن جازعان بولاتىنبىز.