الماتىدا ا ق ش كونسۋلدىعىنا جەر تەلىمى بەرىلمەك
استانا. KAZINFORM - پارلامەنت ءماجىلىسىنىڭ قاراۋىنا «قازاقستان ۇكىمەتى مەن ا ق ش ۇكىمەتى اراسىنداعى الماتى قالاسىندا امەريكا قۇراما شتاتتارىنىڭ كونسۋلدىق مەكەمەسىنىڭ ءۇي- جايلارىن سالۋ ءۇشىن ا ق ش ۇكىمەتىنە جەر ۋچاسكەسىن جالعا بەرۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى كەلىپ ءتۇستى.

- وسى كەلىسىمگە نيۋ- يوركتە بىلتىر 27 - قىركۇيەكتە قول قويىلدى. قۇجاتتىڭ ماقساتى - امەريكا قۇراما شتاتتارىنىڭ ۇكىمەتىنە الماتى قالاسىنداعى ا ق ش كونسۋلدىق مەكەمەسىنىڭ ءۇي- جايلارىن سالۋ جانە پايدالانۋ ءۇشىن 49 جىل مەرزىمگە اۋدانى 70 مىڭ شارشى مەتردەن اساتىن جەر ۋچاسكەسىن جالعا بەرۋ. كەلىسىمدە جەر تەلىمىن بەرۋ ءتارتىبى مەن شارتتارى ايقىندالعان. ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتى اتالعان زاڭ جوباسى بويىنشا قورىتىندى ازىرلەۋگە دايىن، - دەدى ءماجىلىس دەپۋتاتى ايگۇل قۇسپان.
ەسكە سالساق، جاقىندا ا ق ش- تىڭ قازاقستانداعى ەلشىسى دەنيەل روزەنبليۋم ەلىمىزدەگى مانسابىن اياقتاپ، زەينەتكە شىقتى.