الماتى زووباعى گيمالاي قونجىقتارىنا ات قويۋ ءۇشىن بايقاۋ جاريالادى

الماتى. KAZINFORM - الماتى زووباعىندا دۇنيەگە كەلگەن قونجىقتاردى كوپشىلىك كورۋگە مۇمكىندىك الدى.

الماتى زووباعىنىڭ باسپا ءسوز قىزمەتىنەن حابارلاعانداي، قوس قونجىققا ات قويۋ ءۇشىن الەۋمەتتىك جەلى ارقىلى ۇسىنىستار قابىلدانادى.

«بىزدە تاماشا جاڭالىق بار: ءبىزدىڭ گيمالايلىق قونجىقتارىمىز ءوسىپ، سىمباتتى بولىپ كەلەدى. ولاردىڭ دامىپ، ءوسىپ كەلە جاتقانىنا قاتتى قۋانىشتىمىز. ەندى ءبىز سىزدەردىڭ پىكىرلەرىڭىزدى بىلگىمىز كەلەدى. سىزدەردىڭ ويلارىڭىزشا، ءبىزدىڭ كىشكەنتاي سۇيكىمدى دوستارىمىزعا قانداي اتتار لايىقتى. پىكىرلەرىڭىزبەن بولىسىڭىزدەر، ەڭ قىزىقتى ۇسىنىستاردى مىندەتتى تۇردە قاراستىرامىز»، - دەلىنگەن زووباق وكىلدەرى تاراتقان اقپاراتتا.

وسىعان دەيىن تيان-شاننىڭ اق تىرناقتى ايۋلارى - گەردا مەن قۇرمانبەك جۇبى ەكى قونجىقتى ومىرگە اكەلگەنى تۋرالى جازعان ەدىك.