الماتى پوليتسياسى ۇيسىزدەردى قونايەۆقا اكەتۋ تۋرالى دەرەكتى تەكسەرىپ جاتىر

الماتى. KAZINFORM - الەۋمەتتىك جەلىدە ءتارتىپ ساقشىلارى ۇيسىزدەردى، ونىڭ ىشىندە ارباعا تاڭىلعان ادامداردى الماتىدان قونايەۆقا اپارىپ تاستاعانى تۋرالى اقپارات تارادى.

الماتى قالاسى پوليتسيا دەپارتامەنتى بۇل دەرەككە قاتىستى مالىمدەمە جاسادى.

- قازىرگى ۋاقىتتا اتالعان دەرەككە قاتىستى تەرگەۋ ءجۇرىپ جاتىر. سونىمەن قاتار الەۋمەتتىك جانە مەديتسينالىق قىزمەتتەرمەن بىرلەسە وتىرىپ، پروفيلاكتيكالىق ءىس-شارالار، ونىڭ ىشىندە تۇرعىلىقتى جەرى جوق ادامداردى انىقتاۋعا باعىتتالعان شارالار تۇراقتى تۇردە جۇرگىزىلەتىنىن حابارلايمىز. پوليتسيا قىزمەتكەرلەرىنىڭ بارلىق ءىس-ارەكەتى قولدانىستاعى زاڭناما اياسىندا جۇزەگە اسىرىلادى. سونداي-اق ادامداردى ەشقانداي جاعدايسىز كوشەدە قالدىرىپ جاتىر دەگەن اقپارات شىندىققا جاناسپايتىنىنا نازار اۋدارعىمىز كەلەدى، - دەپ حابارلادى دەپارتامەنتتەن.

ەسكە سالايىق، بىلتىر الماتىدا ءۇيسىز- كۇيسىز ادامداردى ۇرلاپ، نەسيە راسىمدەتكەن قىلمىستىق توپ قۇرىقتالدى.