الماتى وبلىسىندا وقۋشىلار جاپپاي توبەلەس شىعاردى
الماتى وبلىسىندا جينالىپ، جاپپاي توبەلەس شىعارعان جاسوسپىرىمدەر جاۋاپقا تارتىلدى، دەپ حابارلايدى Kazinform.
وقۋشىلاردىڭ توپتاسىپ جاعا جىرتىسىپ جاتقان ۆيدەوسى الەۋمەتتىك جەلىلەردە تاراۋدا.
الماتى وبلىسى پوليتسيا دەپارتامەنتىنىڭ مالىمەتىنشە، وقيعا ىلە اۋدانى جاپەك باتىر اۋىلىندا بولعان. توبەلەسكەن - جەرگىلىكتى مەكتەپتىڭ وقۋشىلارى. تەكسەرۋ بارىسىندا انىقتالعانداي، 29-قاراشا كۇنى 2008 -جىلى تۋعان 9-سىنىپ وقۋشىسى مەن 2007 -جىلى تۋعان 10-سىنىپ وقۋشىسى اراسىندا كەلىسپەۋشىلىك تۋىنداپ، سوڭى ۇيىمداسقان جيىنعا اينالعان.
«اتالعان دەرەك بويىنشا بۇزاقىلىق ارەكەتتەر جاساعان وقۋشىلار اكىمشىلىك جاۋاپقا تارتىلدى. كامەلەتكە تولماعانداردىڭ بارلىق اتا-انالارىنا قاتىستى ق ر اكىمشىلىك قۇقىق بۇزۋشىلىق تۋرالى كودەكستىڭ 127-بابى (كامەلەتكە تولماعاندى تاربيەلەۋ، ونىڭ قۇقىقتارى مەن مۇددەلەرىن قورعاۋ جونىندەگى مىندەتتەردى ورىنداماۋ) بويىنشا اكىمشىلىك ماتەريالدار جينالدى، سونداي-اق كامەلەتكە تولماعانداردىڭ وزدەرىنە قاتىستى ق ر ا ق ب ت ك-نىڭ 435-بابىمەن (كامەلەتكە تولماعاندار جاساعان بۇزاقىلىق) حاتتاما تولتىرىلدى»، - دەپ حابارلادى پوليتسيادا.
قازىرگى ۋاقىتتا تەرگەۋ ارەكەتتەرى جۇرگىزىلىپ جاتىر. پسيحولوگتار وقيعاعا قاتىسۋشىلارمەن پروفيلاكتيكالىق تاربيە جۇمىستارىن جۇرگىزدى.
Посмотреть эту публикацию в Instagram
