الماتى وبلىسىندا قىزىل كىتاپقا ەنگەن قاراقۇيرىقتى اتىپ العان ادام ۇستالدى
قونايەۆ. KAZINFORM - الماتى وبلىسىندا قىزىل كىتاپقا ەنگەن اڭدى اتىپ العان براكونەر ۇستالدى.
ورمان شارۋاشىلىعى جانە جانۋارلار دۇنيەسى كوميتەتىنەن ءمالىم ەتكەندەي، قاراشانىڭ 24 ىنەن 25 ىنە قاراعان ءتۇنى «پو وحوتزووپروم» مەكەمەسىنىڭ ينسپەكتورلارى الماتى وبلىسىنىڭ ىلە اۋدانىنداعى اقشي اۋىلىنىڭ ماڭىندا جوسپارلى رەيد بارىسىندا جەرگىلىكتى تۇرعىندى اتپەن ءجۇرىپ بارا جاتقان جەرىنەن توقتاتتى.
تەكسەرۋ بارىسىندا ونىڭ قولىندا قىزىل كىتاپقا ەنگەن، سيرەك كەزدەسەتىن جانە جويىلىپ كەتۋ قاۋپى تونگەن قاراقۇيرىقتىڭ ەتى تابىلدى.
«زاڭسىز اڭشىلىق جاساعان كۇدىكتى جانە الىنعان زاتتاي ايعاقتار وسى فاكتى بويىنشا ىلە اۋداندىق پوليتسيا بولىمىنە جەتكىزىلدى»، - دەلىنگەن كوميتەت حابارلاماسىندا.
ۆەدومستۆو ءبىزدىڭ ەلىمىزدە سيرەك كەزدەسەتىن جانە قورعالاتىن جانۋارلاردى زاڭسىز ءوندىرۋ نەمەسە تاسىمالداۋ ءۇشىن جاۋاپكەرشىلىك قاراستىرىلعانىن ەسكە سالدى.
وسىعان دەيىن شارىن ۇلتتىق پاركىندە قازاقستاننىڭ قىزىل كىتابىنا ەنگەن قاراقۇيرىقتاردىڭ فوتوتۇزاققا ءتۇسىپ قالعانى تۋرالى جازعان ەدى.
