الماتى وبلىسىندا شومىلۋ ماۋسىمى باستالعالى 5 ادام سۋعا كەتتى

قونايەۆ. KAZINFORM - الماتى وبلىسىندا شومىلۋ ماۋسىمى باستالعالى 5 مىڭنان اسا رەيدتىك ءىس-شارا جۇرگىزىلگەن.

الماتى وبلىسى توتەنشە جاعدايلار دەپارتامەنتى ازاماتتىق قورعانىس باسقارماسىنىڭ باستىعى ەرالى رازاكۋلوۆ رۇقسات ەتىلمەگەن اۋماقتا سۋعا ءتۇسۋ، قاۋىپسىزدىكتى ساقتاماۋ، ماس كۇيىندە شومىلۋ ادام ولىمىنە اكەلەتىنىن ايتادى. ونىڭ ايتۋىنشا، شومىلۋ ماۋسىمى باستالعالى بالالار ءولىمى تىركەلمەگەن جانە جازاتايىم جاعدايدان قۇتقارۋشىلار 14 ازاماتتىڭ ءومىرىن ساقتاپ قالعان. دەگەنمەن جاز باسىنان بەرى وقىس وقيعا سالدارىنان 5 ادام كوز جۇمعان.

«بيىل ايماقتا وبلىس اكىمدىگىنىڭ قاۋلىسىمەن جاعاجايدا دەمالۋعا ارنالعان 103 ورىن بەلگىلەندى، ونىڭ ىشىندە 7 كوممۋنالدىق جاعاجاي بار. تۇرعىندارعا، قالا قوناقتارىنا تەك شومىلۋعا رۇقسات ەتىلگەن جەرلەردە دەمالۋدى جانە دە بالالار قاۋىپسىزدىگىن نازارعا الۋدى سۇرايمىز»، - دەدى ەرالى رازاكۋلوۆ.

ەسكە سالايىق، بۇعان دەيىن ىلە-الاتاۋ پاركىنە بارۋعا ۋاقىتشا شەكتەۋ قويىلعانىن جازعان ەدىك.