الماتى وبلىسىندا ءىرى كولەمدە الاياقتىق جاساعان ايەل ۇستالدى
الماتى. KAZINFORM - الماتى وبلىسىندا ءىرى كولەمدە الاياقتىقپەن اينالىسقان كۇدىكتى ايەل ۇستالدى.
الماتى وبلىسىندا پوليتسيا قىزمەتكەرلەرى الاياقتىق جاسادى دەپ كۇدىكتەلگەن 32 جاستاعى ايەلدى ۇستادى. پوليتسيانىڭ مالىمەتىنشە، ءۇش ميلليون تەڭگەگە زالال كەلتىرىلگەن جامبىل اۋدانىنىڭ تۇرعىنى قىلمىستىق سحەمانىڭ قۇربانى بولعان.
الاياقتىق فاكتىسى جامبىل اۋدانىنىڭ پوليتسياسىندا تىركەلدى، بارلىق قاجەتتى تەرگەۋ شارالارى جۇرگىزىلىپ جاتىر. كۇدىكتى نەسيە راسىمدەۋگە كومەك كورسەتۋ سىلتاۋىمەن جابىرلەنۋشى مەن ونىڭ جۇبايىنا ولاردىڭ سەنىمىنىنە كىرە وتىرىپ نەسيە راسىمدەۋگە مۇمكىندىك الدى. وسىدان كەيىن ول قولما-قول اقشامەن ءىز-ءتۇزسىز جوعالىپ كەتتى.
وسىعان ۇقساس جاعداي تالعار اۋدانىندا دا تىركەلدى، وندا ءبىر ميلليون تەڭگە شىعىن كەلتىرىلدى. مۇندا قاسكۇنەم باسقا سحەمانى قولداندى، كولىك ويناتتى. قازىرگى ۋاقىتتا 27 جاستاعى جەرگىلىكتى تۇرعىنعا قاتىستى قىلمىستىق ءىس قوزعالدى. تەرگەۋ جالعاسىپ جاتىر.
ەكى قىلمىس تا بۇرىن جاسالعان ساناتقا جاتادى جانە ءتىپتى مۇقيات جوسپارلانعان قىلمىستىق سحەمالار ەرتە مە، كەش پە اشىلاتىنىن كورسەتەدى. ەسىڭىزدە بولسىن، ادىلەتتىلىك ءسوزسىز جانە الداۋعا باراتىنداردىڭ ءبارى ەرتە مە، كەش پە جاۋاپقا تارتىلادى.
