الماتى وبلىسىندا ءبىر ۇيگە 300 دەن استام شەتەل ازاماتى تىركەلگەن

استانا. KAZINFORM - الماتى وبلىسىندا پروكۋرورلار ميگرانتتارعا ارنالعان زاڭسىز پاتەرلەردى انىقتادى، - دەپ حابارلايدى Tengrinews.kz.

وبلىستا 12 مىڭنان استام شەتەلدىك تىركەلگەن 278 ءۇي انىقتالدى. بۇل ۇيلەردىڭ ىشىندە تۇرعىن ۇيلەر دە، مەكەنجايلارى جوق ۇيلەر دە بولعان.

«ماسەلەن، قاراساي اۋدانى، باتان اۋىلىنداعى ۇيلەردىڭ بىرىندە 300 دەن استام شەتەل ازاماتى تىركەلگەن. وسى فاكتىلەر بويىنشا ق ر قىلمىستىق كودەكسىنىڭ 394-بابى (ۇيىمداستىرۋ) بويىنشا قىلمىستىق ءىس قوزعالدى. زاڭسىز كوشى-قون)»، - دەپ حابارلادى پروكۋراتۋرا. ,

ءۇش مىڭ ميگرانتتىڭ مەملەكەت قازىناسىنا 79 ميلليون تەڭگە سالىقتى تولەمەۋ فاكتىلەرى انىقتالىپ، ءوندىرىپ الۋ جۇمىستارى جۇرگىزىلۋدە. سونداي-اق، سوت شەشىمىمەن دەپورتاتسيالاۋعا جاتاتىن 29 ميگرانت پەن قىلمىستىق قۇقىق بۇزۋشىلىق جاساعان 43 ميگرانت ەلدەن شىعارىلماعان.

جالپى، تەكسەرۋ اياسىندا الماتى وبلىسىنىڭ پروكۋراتۋراسى 600 دەن استام كوشى-قون زاڭناماسىن بۇزۋ فاكتىسىن انىقتاپ، 17 كوشى-قون پوليتسياسىنىڭ قىزمەتكەرى تارتىپتىك جاۋاپكەرشىلىككە تارتىلدى.