الماتى وبلىسىندا اۆتوبۋس پەن جۇك كولىگى سوقتىعىسىپ، ءبىر ادام مەرت بولدى
الماتى. KAZINFORM - «الماتى- شەلەك- قورعاس» اۆتوجولىنىڭ 222-شاقىرىمىندا جول-كولىك وقيعاسى بولدى. الدىن الا بولجام بويىنشا، اۆتوبۋس جۇرگىزۋشىسى اراقاشىقتىقتى ساقتاماي، Mercedes Benz جۇك كولىگىمەن سوقتىعىسۋعا جول بەرگەن.
«جول اپاتى سالدارىنان الدىڭعى ورىندا وتىرعان ەكىنشى جۇرگىزۋشى وقيعا ورنىندا كوز جۇمدى. ون ءبىر جولاۋشى ءتۇرلى جاراقات الدى. ولاردىڭ بىرەۋى اۋرۋحاناعا جاتقىزىلىپ، قالعاندارى امبۋلاتوريالىق ەمدەلۋگە جىبەرىلدى. اۆتوبۋس جۇرگىزۋشىسى ۇستالىپ، ۋاقىتشا ۇستاۋ يزولياتورىنا قامالدى. وقيعانىڭ ءمان- جايى انىقتالىپ جاتىر»، - دەپ حابارلادى الماتى وبلىسىنىڭ پوليتسيا دەپارتامەنتىنەن.
ايتا كەتەيىك، بۇعان دەيىن الماتى وبلىسىندا 40 شاقتى تۋريست مىنگەن اۆتوبۋس اپاتقا ۇشىراعانىن جازعانبىز. سونداي-اق تۋريستىك اۆتوبۋستى باسقارعان جۇرگىزۋشىسى كۋالىگىنەن ايىرىلعان كولىك قۇرالىن باسقارعانى ءۇشىن قاماۋعا الىنعانىن جازعان ەدىك.
اۆتور
دوسبول اتاجان
