الماتى وبلىسىندا 5 گەكتار قاراسورا القابى تابىلدى
قونايەۆ. KAZINFORM – ەڭبەكشى قازاق اۋدانىنىڭ پروكۋراتۋرا قىزمەتكەرلەرى ەڭبەكشى قازاق اۋدانىنىڭ ءتارتىپ ساقشىلارىمەن بىرگە جابايى قاراسورا القابىن انىقتادى.
قاراسورانىڭ جالپى اۋدانى 5 گەكتاردان اسادى. قازىرگى ۋاقىتتا قاراسورانى جويۋ شارالارى جۇرگىزىلىپ جاتىر.
- قاراسورا قۇرامىندا ەسىرتكى نەمەسە پسيحوتروپتىق زاتتار بار وسىمدىكتەردىڭ تىزىمىنە ەنگىزىلگەن جانە قازاقستان رەسپۋبليكاسىندا باقىلاۋعا جاتادى. قۇرامىندا ەسىرتكى زاتتارى بار تىيىم سالىنعان وسىمدىكتەردى زاڭسىز وسىرگەنى ءۇشىن ءۇش جىلدان سەگىز جىلعا دەيىنگى مەرزىمگە باس بوستاندىعىنان ايىرۋ تۇرىندەگى قىلمىستىق جازا قاراستىرىلعان. قۇرامىندا ەسىرتكى زاتتارى بار وسىمدىكتەردى زاڭسىز ءوسىرۋ جاعدايلارى تۋرالى حاباردار بولساڭىز، دەرەۋ قۇقىق قورعاۋ ورگاندارىنا حابارلاۋىڭىزدى سۇرايمىز، - دەپ حابارلادى الماتى وبلىسىنىڭ پروكۋراتۋراسىنان.
سونىمەن قاتار وبلىستىق پروكۋراتۋرا ق ر اكىمشىلىك قۇقىق بۇزۋشىلىق تۋرالى كودەكسىنە سايكەس، جەر يەلەرى مەن جەر پايدالانۋشىلارعا جابايى كەندىردى جويۋ شارالارىن قولدانباعانى ءۇشىن جاۋاپكەرشىلىك قاراستىرىلعانىن ەسكەرتتى.
ەسكە سالايىق، بۇعان دەيىن الماتى اۋەجايىندا ەسىرتكى تاسىعان ەكى جولاۋشى ۇستالدى.
