الماتى وبلىسىندا 362 ساياجاي ەلدى مەكەندەرگە قوسىلدى
قونايەۆ. KAZINFORM - الماتى وبلىسىندا 362 ساياجاي ۋچاسكەسى ەلدى مەكەندەرگە قوسىلدى.
الماتى وبلىسى اكىمدىگىنىڭ مالىمەتىنشە، وڭىردە بارلىعى 674 ساياجاي بار، ونىڭ ىشىندە قاراساي اۋدانىندا – 200، ىلە اۋدانىندا – 157، تالعار اۋدانىندا – 152، ەڭبەكشىقازاق اۋدانىندا – 135، جامبىل اۋدانىندا - 21 جانە قونايەۆ قالاسىندا - 9.
الماتى وبلىسىنىڭ ساۋلەت جانە قالا قۇرىلىسى باسقارماسى الماتى وبلىسىنىڭ 362 ساياجاي ۋچاسكەلەرىنىڭ اۋماقتارىن قامتيتىن قالا قۇرىلىسى قۇجاتتاماسىن ازىرلەدى.
ولار نەگىزىنەن الماتىعا جاقىن قاراساي، ىلە، تالعار، ەڭبەكشىقازاق پەن جامبىل اۋداندارىندا ورنالاسقان.
ماسەلەن، ىلە اۋدانىندا سەگىز ەلدى مەكەنگە 88 ساياجاي، قاراساي اۋدانىندا 101 ساياجاي 6 ەلدى مەكەنگە، تالعار اۋدانىندا 93 ساياجاي ۋچاسكەسى 6 ەلدى مەكەنگە جانە ەڭبەكشىقازاق اۋدانىندا 35 ساياجاي ۋچاسكەسى ەكى ەلدى مەكەنگە قوسىلدى. سونداي-اق قونايەۆ قالاسىنا 8 ساياجاي ۋچاسكەسىنىڭ اۋماعى كىردى. تاعى 36 ساياجاي جاڭا قۇرىلعان الاتاۋ قالاسىنا قوسىلدى.
«2024-2025-جىلدارى قالعان 313 ساياجاي اۋماعىن جاقىن ماڭداعى ەلدى مەكەندەر شەكاراسىنا قوسۋ كەزەڭ-كەزەڭىمەن جۇرگىزىلەدى»، - دەپ حابارلادى الماتى وبلىسىنىڭ اكىمدىگى.
