الماتى تاۋلارىندا بايكەرلەردى ساباعان شوپاندارعا سوت ۇكىمى شىقتى
قونايەۆ. KAZINFORM - قاراساي اۋداندىق سوتى 15-شىلدە كۇنى الماتى وبلىسىنىڭ تاۋلارىندا موتوسيكل جۇرگىزۋشىلەرىن قامشىمەن ساباپ، مىلتىق كەزەگەن ءبىر توپ ازاماتقا قاتىستى شەشىم شىعاردى.
الماتى وبلىسى قاراساي اۋداندىق سوتىندا توپتىق بۇزاقىلىق (ق ك-نىڭ 293-بابى 3-تارماعى بويىنشا) جاسادى دەگەن كۇدىكپەن ايىپتاۋشىلار ن.، و.، ا.-عا قاتىستى قاراساي اۋدانى پوليتسيا باسقارماسىنىڭ «قاماۋدا ۇستاۋ» تۇرىندەگى بۇلتارتپاۋ شاراسىن سانكسيالاۋ تۋرالى ءوتىنىشحاتى قارالدى.
ءىس بويىنشا جابىرلەنۋشى سوت وتىرىسىندا قازىرگى ۋاقىتتا كۇدىكتىلەرمەن تاتۋلاسقانىن كورسەتىپ، ولاردى قوعامنان وقشاۋلامايتىن بۇلتارتپاۋ شاراسىن قولدانۋدى سۇراعان.
- سوت ق پ ك-نىڭ 55، 146-148-باپتارىنىڭ نورمالارىن ەسكەرە وتىرىپ، «قاماۋدا ۇستاۋ» تۇرىندەگى بۇلتارتپاۋ شاراسىن سانكسيالاۋ ءۇشىن نەگىزدەردىڭ بولماۋىنا بايلانىستى اتالعان بۇلتارتپاۋ شاراسىن سانكسيالاۋ تۋرالى ءوتىنىشحاتتى قاناعاتتاندىرۋدان باس تارتتى جانە «ەشقايدا كەتپەۋ جانە ءتيىستى مىنەز-قۇلقى تۋرالى قولحات» تۇرىندەگى بۇلتارتپاۋ شاراسىن تاڭدادى، - دەلىنگەن سوت حابارلاماسىندا.
قاۋلى زاڭدى كۇشىنە ەنگەن جوق.
ەسكە سالايىق، 15-شىلدەدە الماتى تاۋلارىندا ءبىر توپ ازامات بايكەرلەرگە مىلتىق كەزەپ، قامشىمەن ساباعان ەدى.
16-شىلدە كۇنى پوليتسيا قىزمەتكەرلەرى ايىپتالۋشىلاردى ۇستادى.
اۆتور
دوسبول اتاجان
