11:57, 16 - شىلدە 2024 | GMT +6
الماتى تاۋلارىندا بايكەرلەرگە مىلتىق كەزەپ، قامشىمەن ساباعاندار ۇستالدى
قونايەۆ. KAZINFORM - قاراساي اۋدانىنىڭ پوليتسيا قىزمەتكەرلەرى الماتى وبلىسىنىڭ تاۋلارىندا بايكەرلەرگە شابۋىل جاساعان ءۇش كۇدىكتى ۇستادى. قازىرگى ۋاقىتتا ولار ۋاقىتشا ۇستاۋ يزولياتورىنا قامالعان.
«قىلمىستىق ءىس ادامدار توبىمەن جاسالعان بۇزاقىلىق فاكتىسى بويىنشا تەرگەلۋدە. مىلتىق تاركىلەنىپ، ساراپتامالىق تەكسەرۋگە جىبەرىلدى. الدىن الا مالىمەت بويىنشا، شابۋىلعا موتوتسيكل موتورىنىڭ جايلى جۇرگەن مالدى ۇركىتۋ سەبەپ بولعان»، - دەپ حابارلايدى وبلىستىق پ د.
ەسكە سالايىق، بۇعان دەيىن الماتى وبلىسىنىڭ تاۋلارىندا موتوتسيكلشىلەردى ءبىر توپ ادام مىلتىقپەن قورقىتىپ، قامشىمەن ساباعانىن جازعان ەدىك.
