الماتى ماڭىنداعى قۇلجا تراكتىسىنىڭ ۋچاسكەسىندە ۋاقىتشا شەكتەۋ ەنگىزىلەدى
الماتى. KAZINFORM - «قازاۆتوجول» ۇ ك» ا ق باسپا ءسوز قىزمەتى 2024 -جىلدىڭ 15-قىركۇيەگىندە ساعات 20:00 دەن باستاپ 16-قىركۇيەك ساعات 07:00 گە دەيىن «الماتى - كوكتال - شونجى - قورعاس» رەسپۋبليكالىق ماڭىزى بار اۆتوجولىنىڭ ورتاشا جوندەۋ جۇمىستارىنا بايلانىستى قۇلجا تراكىسىنىڭ 14-16,5 شاقىرىم ارالىعىنداعى ۋچاسكەسىندە شەكتەۋ قويىلاتىنىن حابارلادى.
بۇل ۋچاسكەدە قوزعالىس 11 ساعات ىشىندە ريەۆەرسيۆتى تۇردە ۇيىمداستىرىلادى. جۇمىستار جولدىڭ شىعىس جاعىندا جۇرگىزىلىپ، جول ءبىر جولاقتى قوزعالىسپەن قامتاماسىز ەتىلەدى.
- اتالمىش جەردە ارنايى ەسكەرتۋ بەلگىلەرى مەن مەردىگەر مەكەمەنىڭ بايلانىس نومىرلەرى كورسەتىلگەن اقپاراتتىق ستەند ورناتىلادى. ساپارلارىڭىزدى الدىن الا جوسپارلاۋىڭىزدى سۇرايمىز. الداعى ۋاقىتتا جوندەۋ جۇمىستارىنا بايلانىستى قۇلجا تراكتىسىنىڭ بويىنداعى ەلدى مەكەندەردە قوزعالىسقا ۋاقىتشا شەكتەۋلەر قويىلۋى مۇمكىن، - دەپ حابارلادى «قازاۆتوجول».
