الماتى ماڭىنداعى دەمالىس ورنىندا سيرەك كەزدەسەتىن جىرتقىش كوزگە ءتۇستى
استانا. KAZINFORM - شارىن مەملەكەتتىك ۇلتتىق تابيعي پاركى اۋماعىندا فوتوتۇزاققا قىزىل كىتاپقا ەنگەن تۇركىستان سىلەۋسىنى ءتۇسىپ قالدى.
شارىن مەملەكەتتىك ۇلتتىق تابيعي پاركى اۋماعىنا ورناتىلعان فوتوتۇزاققا قازاقستان رەسپۋبليكاسى قىزىل كىتابىنا ەنگەن سيرەك جىرتقىش - تۇركىستان سىلەۋسىنى (Lynx lynx isabellinus) تىركەلدى.
سىلەۋسىن - وتە ساق، جاسىرىن تىرشىلىك ەتەتىن ءارى تابيعاتتا سيرەك كەزدەسەتىن اڭ. ونىڭ فوتوتۇزاققا ءتۇسۋى پارك اۋماعىنداعى تابيعي ورتانىڭ قولايلى ەكەنىن جانە بيوالۋانتۇرلىلىكتىڭ ساقتالعانىن كورسەتەدى.
ايتا كەتەلىك الماتى قورىعىندا ەرتە ويانعان قوڭىر ايۋلار فوتوتۇزاققا ءتۇسىپ قالعان ەدى.
