الماتى - بىشكەك اۆتوجولىندا جول-كولىك وقيعاسىنان 4 ادام قايتىس بولدى

قونايەۆ. KAZINFORM - پوليتسيا جول-كولىك وقيعاسى بويىنشا قىلمىستىق ءىس قوزعادى.

الماتى وبلىسى پوليتسيا دەپارتامەنتىنىڭ مالىمەتىنشە، قايعىلى وقيعا 28-مامىر ساعات 18:00 شاماسىندا الماتى - بىشكەك اۆتوجولىنىڭ 44- شاقىرىمىندا بولعان.

تۇركىستان وبلىسىنىڭ 39 جاستاعى تۇرعىنى باسقارىپ كەلە جاتقان كاماز ماركالى جۇك كولىگىنىڭ تىركەمەسى جولدا اجىراپ كەتكەن.

اجىراپ كەتكەن تىركەمە قارسى قوزعالىس جولاعىنا شىعىپ، Geely كولىگىمەن، ودان كەيىن KIA Sportage كولىگىمەن سوقتىعىسقان. وقيعا ورنىندا ءتورت ادام قازا تاپتى، ونىڭ ىشىندە Geely جۇرگىزۋشىسى دە بار. قازىر جان-جاقتى تەرگەۋ جۇرگىزىلىپ جاتىر. وقيعانىڭ ءمان-جايى مەن سەبەبى انىقتالادى، - دەپ حابارلادى دەپارتامەنتتەن.

ەسكە سالايىق، بۇعان دەيىن الماتى وبلىسىندا جاس ءوسپىرىم باسقارعان كولىك اعاشقا سوقتىعىسىپ، 3 وقۋشى مەرت بولعان.

اۆتور

دوسبول اتاجان