الماتى اق ۇلپا قاردىڭ استىندا قالدى

استانا. قازاقپارات - الماتىدا 10 سانتيمەتر قار جاۋدى، - دەپ حابارلايدى  الماتى قالاسى كوممۋنالدىق ينفراقۇرىلىمدى دامىتۋ باسقارماسى.

الماتىدا 1-اقپان ساعات 22:30-دان باستالعان قار تۇسكە دەيىن جاۋادى دەپ بولجانعان. ساعات 07:00-دەگى جاعداي بويىنشا اق ۇلپا 10 س م-گە جەتتى.

تۇنگى ۋاقىتتا 426 بىرلىك ارنايى تەحنيكا مەن 278 جۇمىسشى جۇمىلدىرىلدى. كوكتايعاقتىڭ الدىن الۋ ءۇشىن قار جاۋعانعا دەيىن نەگىزگى نەگىزگى كوشەلەر سۇيىق رەاگەنتتەرمەن وڭدەلدى.

ساعات 04.00-تەن باستاپ 166 قۇم تاراتقىش ارقىلى كوكتايعاققا قارسى ماتەريالدار سەبىلە باستادى. ساعات 07:00-گە كەلسەك، 520 توننا ك ق م قولدانىلادى.

ساعات 05.00-تەن باستاپ 149 شاعىن كولەمدى تروتۋار تازالاعىش تەحنيكانىڭ كومەگىمەن تروتۋارلار مەن قوعامدىق ورىنداردا قار كۇرەلىپ جاتىر.

جول پاترۋلدىك پوليتسيا كولىكتەرىنىڭ جول باستاپ جۇرۋىمەن ساعات 06.00-دان باستاپ 14 كولوننا كولىك قار كۇرەپ ءجۇر.

باسقارما مالىمەتىنشە، قالا كوشەلەرىنەن 44 قار تيەگىش پەن 73 ءوزى تۇسىرگىش جۇك كولىگىمەن قار شىعارۋ جۇمىستارى جالعاسىپ جاتىر. تۇنگى ۋاقىتتا 3,8 مىڭ m3 قار شىعارىلدى (جالپى قىستا 198 مىڭ m3). ساعات 08.00-دەن باستاپ 452 بىرلىك ارنايى تەحنيكا، ونىڭ ىشىندە 174 شاعىن كولەمدى تەحنيكا مەن 1183 جۇمىسشى قار كۇرەۋگە جۇمىلدىرىلادى.

اۋدان اكىمدىكتەرىندە جۇمىستى باقىلاۋ ءۇشىن تاۋلىك بويى كەزەكشىلىك ۇيىمداستىرىلدى.