15:10, 02 - تامىز 2024 | GMT +6
الماتى اۋەجايىندا ەسىرتكى تاسىعان ەكى جولاۋشى ۇستالدى
الماتى. KAZINFORM - الماتى اۋەجايىندا حالىقارالىق اۋە رەيسىنىڭ ەكى جولاۋشىسى ەسىرتكى كونترابانداسى ءۇشىن ۇستالدى. بۇل تۋرالى كولىكتەگى پوليتسيا دەپارتامەنتىنىڭ باسپا ءسوز قىزمەتى حابارلادى.
- پحۋكەت- الماتى باعىتىنداعى اۋە رەيسى ۇشىپ كەلگەننەن كەيىن الماتى قالاسى اۋەجايىنداعى جەلىلىك پوليتسيا ءبولىمىنىڭ قىزمەتكەرلەرى الماتى جانە كوكشەتاۋ قالالارىنىڭ 26 جاستاعى تۇرعىندارىن انىقتاپ، ۇستادى. قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ كەزىندە قىزمەتتىك- ىزدەستىرۋ ءيتى جولاۋشىلاردا ەسىرتكى زاتى بار ەكەندىگىنە بەلگى كورسەتتى. تەكسەرۋ بارىسىندا ولاردان «گاشيش»، «كەپتىرىلگەن ماريحۋانا» ەسىرتكى قۇرالدارى جانە سينتەتيكالىق ەسىرتكى تابىلىپ، تاركىلەندى، - دەپ حابارلادى دەپارتامەنتتەن.
اۆتور
دوسبول اتاجان
