14:03, 03 - شىلدە 2025 | GMT +5
الماتى اۋەجايىندا جۇرگىزۋشى پوليسيا قىزمەتكەرىن كولىگىمەن سۇيرەدى
الماتى. KAZINFORM - وقيعانىڭ بەينەجازباسى الەۋمەتتىك جەلىدە تارادى.
قالالىق پوليتسيا دەپارتامەنتىنىڭ مالىمەتىنشە، پوليتسيا قىزمەتكەرى الماتى اۋەجايىندا جول ەرەجەسىن بۇزعان كولىكتى توقتاتقان. جۇرگىزۋشى زاڭدى تالاپتاردى ورىنداماي، قۇجاتتاردى كورسەتۋدەن باس تارتىپ، قاشۋعا ارەكەتتەنگەن. ينسپەكتور اۆتوكولىكتىڭ قوزعالىسىن توقتاتپاق بولعان، الايدا كولىك ونى بىرنەشە مەترگە سۇيرەپ كەتكەن.
- بۇل دەرەك بويىنشا قازاقستان رەسپۋبليكاسىنىڭ زاڭناماسىنا سايكەس شارالار قابىلداندى: جول ءجۇرۋ ەرەجەسىن بۇزعانى جانە پوليتسيا قىزمەتكەرىنىڭ زاڭدى تالاپتارىنا باعىنباعانى ءۇشىن جۇرگىزۋشى اكىمشىلىك جاۋاپكەرشىلىككە تارتىلدى.
سوت قاۋلىسىمەن وعان 30 ا ە ك كولەمىندە اكىمشىلىك ايىپپۇل سالىندى، - دەپ حابارلادى دەپارتامەنتتەن.
