الماتى اۋەجايىندا ءبىرقاتار رەيس كەشىگىپ جاتىر

الماتى. KAZINFORM - اۋا رايىنا بايلانىستى الماتى حالىقارالىق اۋەجايىندا ءبىرقاتار رەيس كەشىگىپ ۇشادى.

بۇل تۋرالى الماتى اۋەجايىنىڭ باسپا ءسوز قىزمەتى مالىمدەدى. ۇشۋ ۋاقىتى كەيىنگە شەگەرىلگەن رەيستەر قاتارىندا «الماتى- استانا»، «الماتى- شىمكەنت» جانە وزگە دە باعىتتار بار.

- 2025-جىلدىڭ 8 - قاڭتارىندا قولايسىز اۋا رايى جاعدايلارىنا (قار جاۋۋ، تۇمان) بايلانىستى كەيبىر ۇشىپ كەتۋ رەيستەرى كەيىنگى ۋاقىتقا اۋىستىرىلدى، - دەپ حابارلادى اۋەجايدان.

ەسكە سالايىق، بۇعان دەيىن ءتورت وبلىستا كولىك قوزعالىسى قايتا جانداناتىنىن جازعانبىز.

سونداي-اق الماتىنىڭ كوممۋنالدىق قىزمەتى كۇشەيتىلگەن جۇمىس رەجيمىنە كوشكەنىن جازعان ەدىك.