الماتى اۋەجايىندا پاسپورتتىق باقىلاۋ جۇيەسى ىستەمەي قالدى

الماتى. KAZINFORM - الماتى اۋەجايىنىڭ جاڭا تەرمينالىندا پاسپورتتىق باقىلاۋ جۇيەسى ۋاقىتشا ىستەمەي قالدى. بۇل جاعدايعا اۋەجايدىڭ باسپا ءسوز قىزمەتى تۇسىنىكتەمە بەردى.

الماتى اۋەجايىنىڭ مالىمەتىنە سايكەس، جۇيەدەگى اقاۋدىڭ اسەرىنەن جولاۋشىلار كەزەگى پايدا بولعانىمەن، ول رەيستەردىڭ كەشىگۋىنە سەبەپ بولماعان.

- پاسپورتتىق باقىلاۋ جۇيەسىندە تەحنيكالىق اقاۋ بولدى. تەكسەرۋ مەن سكانەرلەۋدە قيىندىقتار بولعان جوق. ۇشۋدىڭ كەشىگۋىنە بايلانىستى رەيستەردىڭ كەشىگۋى بايقالمادى، - دەپ حابارلادى اۋەجايدان.

قازىرگى ۋاقىتتا جۇيەدەگى اقاۋلار جويىلعان. اۋەجاي شتاتتىق رەجيمدە جۇمىس ىستەپ تۇر.

ەسكە سالايىق، بۇعان دەيىن بيىل 1-ماۋسىم كۇنى الماتى حالىقارالىق اۋەجايىنىڭ جاڭا تەرمينالى العاشقى رەيستەردى قابىلدادى.

سونداي-اق الماتى حالىقارالىق اۋەجايىنىڭ جاڭا پرەزيدەنتى بولىپ گوكەر كوسە تاعايىندالدى.

ودان كەيىن الماتى اۋەجايىنىڭ پرەزيدەنتى جاڭا تەرمينالعا ايتىلعان سىنعا جاۋاپ بەردى.

بۇعان دەيىن الماتى اۋەجايىندا جاڭا اۆتوتۇراق اشىلعانىن جازعانبىز.

اۆتور
دوسبول اتاجان