الداعى كۇندەرى بۇرشاق جاۋادى

استانا. KAZINFORM - سينوپتيكتەر الداعى كۇندەرگە ارنالعان اۋا رايى بولجامىن جاريالادى.

قازگيدرومەت مالىمەتىنشە، قازاقستان اۋماعىنىڭ باسىم بولىگىنە تسيكلون اسەر ەتىپ، باتىس جانە سولتۇستىك-باتىس وڭىرلەردە نايزاعاي ويناپ، جاڭبىر، بۇرشاق جاۋىپ، قاتتى جەل سوعادى.

«27-ماۋسىمدا وڭتۇستىك-باتىستا، 27-29-ماۋسىمدا سولتۇستىك-باتىستا، 28-29-ماۋسىمدا ەلىمىزدىڭ باتىسىندا، سولتۇستىگىندە جاڭبىر قارقىنى قاتتى بولادى. ەلىمىزدىڭ شىعىسى مەن سولتۇستىك-شىعىسىندا عانا اۋا رايى جاۋىن-شاشىنسىز بولادى»، - دەپ جازىلعان مالىمەتتە.

27-ماۋسىمدا سولتۇستىك-باتىستا، 28-29-ماۋسىمدا وڭتۇستىكتە، -ماۋسىمدا سولتۇستىكتە، ورتالىقتا اپتاپ ىستىقتىڭ بەتى قايتادى. ەلىمىزدىڭ شىعىسىندا، وڭتۇستىك-شىعىسىندا 40+43+ گرادۋسقا دەيىن قاتتى ىستىق ساقتالادى.