الداعى ءۇش كۇن اۋا رايى سۋىتىپ، 5 گرادۋس اياز بولادى

 قازگيدرومەت ماماندارى 10-12-قازانعا ارنالعان ءۇش كۇندىك اۋا رايى بولجامىن ۇسىندى، دەپ حابارلايدى قازاقپارات. 

الداعى كۇندەرى رەسپۋبليكانىڭ كوپ بولىگىندە كۇن رايى تەز وزگەرەدى - جاۋىن-شاشىن (جاڭبىر سوڭى قارعا ۇلاسادى) جاۋىپ، وڭتۇستىكتە كۇن جاڭبىرلى، جەل كۇشەيەدى.

ەلىمىزدىڭ سولتۇستىك-باتىسىندا، سولتۇستىگىندە جانە ورتالىعىندا تۇنگى جانە تاڭەرتەڭگى ۋاقىتتا تۇمان ءتۇسىپ، كوكتايعاق بولادى.

باتىس وڭىرلەردە اۋا تەمپەراتۋراسى تۇندە 5 اياز - 7 جىلىعا دەيىن، كۇندىز 5-18 گرادۋس جىلىعا دەيىن، سولتۇستىك- باتىس، سولتۇستىك جانە ورتالىقتا تۇندە 5 گرادۋس اياز - 5 گرادۋس جىلىعا دەيىن، كۇندىز 5 - 13 جىلىعا دەيىن تومەندەيدى.